- राजकुमार जाेंधळे लातूर - गुटखा आणि तंबाखूजन्य पदार्थांच्या अवैध विक्रीविरोधात लातूर पोलिसांनी मोठी कारवाई केली असून, गांधी चौक पोलिस ठाण्याच्या हद्दीत पोलिसांनी सापळा रचून एका संशयित कारवर छापा मारला. ज्यात ८ लाख ५६ हजार रुपयांचा मुद्देमाल जप्त करण्यात आला आहे.
पाेलिसांनी सांगितले, लातुरातील मजगे नगर ते एका इंग्लिश स्कूलकडे जाणाऱ्या रस्त्यावर विठ्ठल रुक्मिणी मंदिरामसमोर गुरुवारी सायंकाळी ६:४५ वाजण्याच्या सुमारास ही कारवाई करण्यात आली. स्थानिक गुन्हे शाखेचे पोलिस कॉन्स्टेबल आनंद हाल्लाळे यांना मिळालेल्या माहितीच्या आधारे पोलिसांनी येथे पाळत ठेवली होती. या कारवाईत नागनाथ हरीभाऊ मुंडे (वय ४५ वर्ष, रा. मजगे नगर, लातूर) याला ताब्यात घेतले आहे. तो आपल्या मारुती सुझुकी स्विफ्ट डिझायर कारमधून (एम.एच. ०९ सी.व्ही. ९१२४) प्रतिबंधित गुटख्याची वाहतूक करत होता. पोलिसांनी गाडीची झडती घेतली असता, त्यामध्ये पान मसाला २० बॅग (किंमत १ लाख २४ हजार ८०० रुपये), तंबाखू २० बॅग (किंमत ३१ हजार २०० रुपये) आणि कार (किंमत ७ लाख रुपये) असा एकूण ८ लाख ५६ हजारांचा मुद्देमाल पोलिसांनी जप्त केला आहे.
याबाबत गांधी चाैक पाेलिस ठाण्यात गुन्हा दाखल करण्यात आला आहे. तपास पोलिस निरीक्षक सुनील रेजीतवाड यांच्या मार्गदर्शनाखाली पाेलिस उपनिरीक्षक जी.डी. चित्ते हे करत आहेत.
Web Summary : Latur police seized ₹8.5 lakh worth of gutka and tobacco products. A raid near an English school led to the arrest of Naganth Munde. He was transporting the banned substances in his car. The police confiscated pan masala, tobacco, and the vehicle.
Web Summary : लातूर पुलिस ने ₹8.5 लाख मूल्य के गुटखा और तम्बाकू उत्पाद जब्त किए। एक इंग्लिश स्कूल के पास छापे में नागनाथ मुंडे को गिरफ्तार किया गया। वह अपनी कार में प्रतिबंधित पदार्थ ले जा रहा था। पुलिस ने पान मसाला, तम्बाकू और वाहन जब्त कर लिया।