Latest Marathi News

पुणे : अतिक्रमणविरोधी कारवाई करणाऱ्या महापालिकेतील सहायक निरीक्षकाला भाजी विक्रेत्यांनी शिवीगाळ करुन मारहाण केल्याची घटना हडपसरमधील हांडेवाडी परिसरात घडली. या प्रकरणी पाच जणांविरोधात गुन्हा दाखल करण्यात आला. याबाबत महापालिकेच्या अतिक्रमण विभागातील सहायक निरीक्षक अमोल लावंड यांनी फुरसुंगी पोलिस ठाण्यात फिर्याद दिली आहे. त्यानुसार, शीतल महेश डांगे, रेखा सुदेश रोकडे, शाहिन मियाँसाहेब शेख, उषा दादाराव गायकवाड आणि सोनू सुदेश रोकडे (सर्व रा. हांडेवाडी) यांच्याविरोधात गुन्हा दाखल करण्यात आला. पोलिसांनी दिलेल्या माहितीनुसार, महापालिकेच्या अतिक्रमण विभागाकडून गुरुवारी (दि. १६) सायंकाळी सातच्या सुमारास हांडेवाडीतील भाजी विक्रेत्यांविरोधात कारवाई करण्यात येत होती. त्यावेळी हांडेवाडी परिसरातील भाजीविक्रेत्या महिलांनी कारवाईस विरोध करुन लावंड यांना धमकावले. ‘तू महिलांना शिवीगाळ केली. तुझ्याविरोधात गुन्हा दाखल करतो’, अशी धमकी दिली. त्यानंतर अतिक्रमण कारवाईस विरोध करुन लावंड यांच्या गाडीची काच एकाने फोडली. सरकारी कामात अडथळा आणल्याप्रकरणी भाजीविक्रेत्या महिलांविरोधात गुन्हा दाखल करण्यात आला असून, पोलिस उपनिरीक्षक विष्णू देशमुख पुढील तपास करत आहेत.

नुकतेच काही दिवसांपूर्वी मुंबईत ‘व्होग ब्यूटी २०१६’ सोहळा उत्साहात झाला. ...

बिहार आणि आसाममधील पूरपरिस्थिती बिघडतच चालली असून, आतापर्यंत या दोन्ही राज्यांतील पुरात ५१ जणांचा बळी गेला ...

गुरुवारी रात्रीपासून सुरू झालेल्या जोरदार पावसाने शुक्रवारनंतर शनिवारीही सकाळपर्यंत आपला मारा कायम ठेवला. ...

पुणे आणि नागपूर भागांतून तब्बल साडेतेरा लाख रुपयाच्या किमतीचा सिगारेट पाकिटांचा साठा जप्त करण्यात आला आहे. ...

मुसळधार पावसामुळे मोडकळीस आलेल्या इमारती अधिकच धोकादायक ठरू लागल्या आहेत. ...

दिव्यांग व्यक्तींसाठी कल्पक उपक्रम व नवे शैक्षणिक अभ्यासक्रम सुरू करून नवे टप्पे निर्माण करावेत. ...