Latest Marathi News

लोकमत न्यूज नेटवर्क, शिरोडा: सातोरे शिरोडा येथील पुरुषोत्तम मासानिमित्त माधव देवस्थानात दि. १७ ते २० मेपर्यंत महाविष्णू अनुष्ठान श्री शिवनाथ संस्थान व सातोरे ग्रामस्थ यांच्या संयुक्त विद्यमाने होणार आहे. यानिमित्त शनिवार, दि. १६ संध्याकाळी ५ वाजता मंगल वाद्यांच्या निनादात दिंडी सोबत श्री मंडलेश्वर, श्री शिवनाथ व श्री महामाया यांचे पालखीतून माधव देवस्थानात आगमन होईल. त्यानंतर रात्री ८ वाजता श्रींची आरती व तीर्थप्रसाद होईल. रविवार, दि. १७रोजी सकाळी ८ वाजता माधव षोडशोपचार पूजा, प्रायश्चित, पुण्याहवाचन, मातृकापूजन, नांदीश्राद्ध, प्राकारशुद्धी, तंतुक बंधन, दुपारी १ वाजता महाआरती व तीर्थप्रसाद होईल. संध्याकाळी ५ वाजता भजन होईल.रात्री ८ वाजता आरती व तीर्थप्रसाद होणार आहे. दरम्यान, महाविष्णू अनुष्ठानाचे पुढील ३ मुख्य दिवस असल्याने दि. १८ रोजी सकाळी ८ वाजता संकल्प, न्यास, श्री माधव षोडशोपचार पूजा, पतमान सूक्त अभिषेक द्वारा जप, महापूजा, दुपारी १ वाजता महाआरती, तीर्थप्रसाद व नंतर १:३० वा. महाप्रसाद. संध्या. ५ वा. भजन, नंतर रात्री ८ वा. महाआरती व तीर्थप्रसादनंतर सांस्कृतिक कार्यक्रम होईल.दि. १९ रोजी सकाळी ८ वाजता संकल्प, न्यास, श्री माधव षोडशोपचार पूजा, अभिषेकद्वारा पवमानसूक्त जप, महापूजा, दुपारी १ वाजता महाआरती व तीर्थप्रसाद, नंतर १:३० वाजता महाप्रसाद होणार आहे. सायंकाळी ७वाजता कु. शिवानी सुहास वझे यांचे कीर्तन होईल. रात्री ९ वा. मंगल वाद्यांच्या निनादात दिंडी सोबत पालखी मिरवणूक, नंतर आरती व तीर्थप्रसाद.दि २० रोजी सकाळी ८ वाजता संकल्प, न्यास, माधव षोडशोपचार पूजा, अभिषेक द्वारा पवमान सूक्त जप, प्रधान देवता स्थापना, अग्निस्थापना, नवग्रह स्थापना, लघुविष्णू हवन, पूर्णाहुती, माधव महापूजा, दुपारी १ वाजता महाआरती, गाऱ्हाणे, तीर्थप्रसाद व नंतर १:३० वाजता महाप्रसाद होईल.

ग्रामदेवतेच्या होळीसाठी पौर्णिमेला ग्रामस्थ माड नेत असताना लोखंडी साकव तुटल्याने १९जण पडून जखमी झाले आहेत ...

चला हवा येऊ द्या या कार्यक्रमात कंगना राणौत, काजोल, अजय देवगण, सलमान खान, इरफान खान, अक्षय कुमार, शाहरुख खान, ... ...