Latest Marathi News

दाक्षिणात्य सुपरस्टार थलपती विजयने तामिळनाडूच्या मुख्यमंत्रीपदाची शपथ घेतल्याने सर्वांनी त्याचं अभिनंदन केलं आहे. विजयच्या या विजयामुळे त्याचे कुटुंबीय, चाहते आणि संपूर्ण राज्यात सध्या उत्सवाचे वातावरण आहे. पंतप्रधान नरेंद्र मोदी, पवन कल्याण, कमल हासन आणि प्रकाश राज यांसारख्या दिग्गजांनी विजयचे अभिनंदन केले असतानाच, आता अभिनेत्री तृषा कृष्णन हिची प्रतिक्रियाही समोर आली आहे.मी खूप आनंदी आहेथलपती विजयच्या आयुष्यातील मोठ्या क्षणासाठी उपस्थित राहताना तृषाने प्रसारमाध्यमांशी संवाद साधला होता. ती म्हणाली, "मी खूप उत्साही असून या क्षणाची आतुरतेने वाट पाहत आहे. विजयचे खूप खूप अभिनंदन. मी मनापासून आनंदी आहे." जेव्हा तिला विजयच्या समर्थकांसाठी काही संदेश देण्यास सांगितले, तेव्हा तिने सर्व विजयच्या सर्व चाहत्यांचे आणि हितचिंतकांचे आभार मानले आणि त्यांचेही अभिनंदन केले.शपथविधी सोहळ्याला तृषाची विशेष उपस्थिती१० मे २०२६ रोजी चेन्नईतील जवाहरलाल नेहरू स्टेडियमवर थलपती विजयचा भव्य शपथविधी सोहळा पार पडला. या सोहळ्याला विजयचे कुटुंबीय, राजकीय नेते आणि दक्षिण चित्रपटसृष्टीतील अनेक नामवंत कलाकार उपस्थित होते. अभिनेत्री तृषा कृष्णनने देखील या सोहळ्याला हजेरी लावून विजयच्या या ऐतिहासिक प्रवासाची साक्षीदार होण्याचा मान मिळवला.वाढदिवस आणि विजयाचा योगायोगविशेष म्हणजे, ४ मे रोजी जेव्हा तमिळनाडू विधानसभा निवडणुकीचे निकाल जाहीर झाले, तेव्हा तृषाचा वाढदिवस होता. त्या दिवशी ती तिरुपती मंदिरात दर्शनासाठी गेली होती आणि तिथून परतल्यानंतर तिने थेट विजयच्या घरी जाऊन त्याचे अभिनंदन केले होते. मुख्यमंत्रीपदाची शपथ घेतल्यानंतर जेव्हा विजय स्टेडियमबाहेर आला, तेव्हा त्याने हात जोडून सर्वांचे आभार मानले. अनेक वर्षांच्या चित्रपट कारकिर्दीनंतर आता विजय राजकारणाच्या माध्यमातून तमिळनाडूच्या सेवेसाठी सज्ज झाला आहे.

सहा राईस मिलर्सनी जमा केली बँक गॅरंटी; पण अद्याप धानाची उचल नाहीच ...

एका पोलीस ठाण्यात गेल्या 23 दिवसांत 14 हून अधिक व्यक्ती बेपत्ता झाल्याच्या तक्रारी प्राप्त झाल्या आहेत. ...

महाराष्ट्र राज्य माध्यमिक आणि उच्च माध्यमिक शिक्षण मंडळाकडून मंगळवारी बारावीचा निकाल जाहीर करण्यात आला. ...

हसा पोट धरुन... ...

नुकसानभरपाईपोटी ८ कोटी ७५ लाख रुपये : अनेक शेतकरी लाभापासून राहिले वंचित ...

शिवभक्तांनी सहभागी व्हावे ; संभाजीराजे छत्रपती यांचे आवाहन ...

कोणत्या हरभऱ्याला कुठे कसा भाव मिळाला? जाणून घ्या.. ...