Latest Marathi News

वसमत : हिंगोली जिल्ह्यातील वसमत कृषी उत्पन्न बाजार समितीच्या मोंढ्यात नव्या भुईमुगाची आवक सुरू झाली असून शेतकऱ्यांना सध्या सरासरी ७ हजार रुपये प्रतिक्विंटल दर मिळत आहे.(Groundnut Market)सुरुवातीच्या टप्प्यात आवक मर्यादित असल्याने भुईमुगाला समाधानकारक भाव मिळत असल्याचे चित्र बाजारात पाहायला मिळत आहे. त्यामुळे उन्हाळी भुईमूग लागवड करणाऱ्या शेतकऱ्यांमध्ये समाधानाचे वातावरण आहे.(Groundnut Market)गतवर्षी पावसाळ्यात चांगला पाऊस झाल्याने तालुक्यातील धरणे, विहिरी आणि शेततळ्यांमध्ये मुबलक पाणीसाठा उपलब्ध होता.(Groundnut Market)याच पाण्याच्या जोरावर अनेक शेतकऱ्यांनी यंदा उन्हाळी भुईमुगाची लागवड करण्यावर भर दिला होता. त्याचा परिणाम आता बाजारात दिसून येत आहे.(Groundnut Market)तालुक्यात काढणीची लगबगसध्या वसमत तालुक्यातील बहुतांश गावांमध्ये भुईमूग काढणीची लगबग सुरू आहे. शेतकरी सकाळपासून शेतात भुईमूग उपटणी, वाळवण आणि मळणीच्या कामात व्यस्त असल्याचे चित्र दिसत आहे.काही शेतकऱ्यांनी शनिवारी नव्या भुईमुगाची विक्री करण्यासाठी थेट मोंढा गाठला. सुरुवातीच्या आवकेत मालाची गुणवत्ता चांगली असल्याने व्यापाऱ्यांकडूनही भुईमुगाला चांगली मागणी असल्याचे दिसून आले.कमी आवक, त्यामुळे भाव टिकूनसध्या बाजारात नव्या भुईमुगाची आवक तुलनेने कमी आहे. त्यामुळे दरात स्थिरता असून शेतकऱ्यांना सरासरी ७ हजार रुपये प्रतिक्विंटलपर्यंत भाव मिळत आहे.व्यापाऱ्यांच्या मते, येत्या काही दिवसांत मोठ्या प्रमाणावर भुईमूग बाजारात दाखल होण्याची शक्यता आहे. आवक वाढल्यानंतर दरावर दबाव येऊ शकतो. त्यामुळे सध्या मिळणारे दर कायम राहावेत, अशी अपेक्षा शेतकरी व्यक्त करत आहेत.उन्हाळी भुईमुगाला शेतकऱ्यांची पसंतीकमी कालावधीत तयार होणारे आणि तुलनेने चांगला बाजारभाव मिळवून देणारे पीक म्हणून उन्हाळी भुईमुगाकडे शेतकऱ्यांचा कल वाढताना दिसत आहे. यंदा पाण्याची उपलब्धता चांगली असल्याने अनेकांनी भुईमूग लागवडीचा निर्णय घेतला होता.कृषी तज्ज्ञांच्या मते, योग्य व्यवस्थापन आणि सिंचनामुळे उन्हाळी भुईमुगातून चांगले उत्पादन मिळू शकते. तसेच तेलबिया पिकांची मागणी वाढल्याने भविष्यात या पिकाला अधिक महत्त्व प्राप्त होण्याची शक्यता आहे.हळदीच्या भावाने शेतकरी नाराजबाजारात सध्या हळदीचा हंगामही सुरू असून मोठ्या प्रमाणावर हळदीची आवक होत आहे. मात्र अपेक्षित दर मिळत नसल्याने हळद उत्पादक शेतकरी नाराज आहेत.काही शेतकऱ्यांनी कमी दरामुळे हळद विक्री न करता साठवून ठेवण्याचा निर्णय घेतला आहे. भविष्यात दरवाढ होईल या आशेवर अनेक उत्पादक प्रतीक्षा करत असल्याचे बाजारातील चित्र आहे.शेतकऱ्यांच्या अपेक्षा वाढल्याभुईमुगाला सध्या मिळणाऱ्या समाधानकारक दरामुळे शेतकऱ्यांच्या अपेक्षा वाढल्या आहेत. आवक वाढल्यानंतरही बाजारभाव टिकून राहावेत, अशी आशा उत्पादक व्यक्त करत आहेत.खरीप आणि उन्हाळी पिकांच्या बाजारभावावर पुढील काही दिवसांत मोठ्या प्रमाणावर लक्ष केंद्रित राहणार आहे.हे ही वाचा सविस्तर : Wheat Market Update : गव्हाच्या बाजारात तेजी; कोणत्या बाजारात मिळाला सर्वाधिक दर?अधिक वाचा : Till Market : तिळाने गाठला विक्रमी दर; यवतमाळात प्रतिक्विंटल इतक्या हजारांचा टप्पा पार!

अकोला जिल्ह्यात सहा महिन्यात १ कोटी ७0 लाखांची वसुली. ...

परळी : तालुक्यात दुष्काळी स्थिती निर्माण झाल्याने प्रशासनाने शेतीचा पाणीपुरवठा बंद केला आहे. ...