Latest International News | International Marathi News | Latest International News in Marathi | आंतरराष्ट्रीय: ताज्या मराठी बातम्या

इस्त्रायल आणि इराण यांच्यात ५ दिवसांपासून युद्ध सुरू आहे. हे दोन्ही देश एकमेकांच्या शहरांवर सातत्याने मिसाईल हल्ले करत आहेत. त्यामुळे मध्य पूर्वेत तणावाची परिस्थिती निर्माण झाली आहे. त्यातच रशिया आणि चीन यांनी या दोन्ही देशातील तणाव कमी करण्यासाठी मध्यस्थी करण्याचा प्रस्ताव दिला आहे.इस्त्रायल आणि इराण यांच्यातील सध्याच्या स्थितीवर रशियाचे राष्ट्रपती कार्यालयाचे प्रवक्ते दिमित्री पेस्कोव यांनी म्हटलं की, मागील काही काळापासून पुतिन हे जागतिक नेत्यांशी फोनवरून महत्त्वाची चर्चा करत आहेत. त्यांनी इस्त्रायलचे पंतप्रधान बेंजामिन नेतन्याहूपासून इराणचे राष्ट्रपती मसूद पेजेश्कियान आणि अमेरिकेचे राष्ट्रपती डोनाल्ड ट्रम्प यांच्याशी फोनवरून संवाद साधला. आवश्यकता भासल्यास या दोन्ही देशातील तणावात रशियाची मध्यस्थी करण्याची तयारी आहे जेणेकरून परिस्थिती सुधारता येईल आणि मध्य पूर्वेत शांतता प्रस्थापित केली जाईल असं त्यांनी सांगितले.त्याशिवाय आम्ही या दोन्ही देशातील स्थितीवर लक्ष ठेवून आहोत. आम्ही नेतन्याहू यांचे विधान ऐकले आणि वाचलेही. या भागात धोकादायक स्थिती निर्माण करणाऱ्या कारवायांचा आम्ही निषेध करतो असंही दिमित्री पेस्कोव यांनी म्हटलं आहे. तर केवळ रशियाच नाही चीननेही इस्त्रायल आणि इराण यांच्यातील युद्धात मध्यस्थी करण्याची इच्छा व्यक्त केली आहे. चीनचे परराष्ट्र मंत्री वांग यी यांनी इस्त्रायलचे परराष्ट्र मंत्री यांच्याशी फोनवरून संवाद साधला. त्यांनी इस्त्रायल आणि इराण यांना चर्चेतून मतभेद सोडवण्याचा सल्ला दिला. चीन या दोन्ही देशात मतभेद मिटवण्यासाठी भूमिका निभावेल असं चीनच्या परराष्ट्र मंत्रालयाचे प्रवत्ते गुओ जियाकुन यांनी म्हटलं.दरम्यान, चीनने कायम राजनैतिक आणि डिप्लोमॅटिक माध्यमातून इराणच्या अण्वस्त्राच्या मुद्द्यावर शांततेने समाधान काढण्यासाठी पुढाकार घेतला आहे. चीन दोन्ही देशांशी समन्वय आणि संवाद सुरू ठेवेल. तणावाची स्थिती कमी करण्यासाठी निर्णायक भूमिका घेईल. आम्ही या दोन्ही देशातील तणाव कमी करण्यासाठी मोठी भूमिका निभावण्यासाठी तयार आहोत असंही चीनच्या परराष्ट्र मंत्रालयाचे प्रवक्ते जियाकुन यांनी सांगितले आहे.

International (Marathi News)

Israel-Iran conflict : इराणच्या दूतावासाने मंगळवारी जारी केलेल्या निवेदनात इस्रायलवर गंभीर आरोप केले आहेत. ...

donald trump leaves g7 summit in canada amid iran israel war white house more details ...

Pakistan water Crisis: पाकिस्तान सध्या भीषण पाणी टंचाईचा सामना करत आहे. ...