Latest International News | International Marathi News | Latest International News in Marathi | आंतरराष्ट्रीय: ताज्या मराठी बातम्या

जगातील सर्वात मोठी परोपकारी संस्था असलेल्या 'बिल अँड मेलिंडा गेट्स फाऊंडेशन'चे नाव कुप्रसिद्ध गुन्हेगार जेफरी एपस्टीनशी जोडले गेल्याने आंतरराष्ट्रीय स्तरावर मोठी खळबळ उडाली होती. मात्र, आता अमेरिकन न्याय विभागाने एपस्टीनशी संबंधित महत्त्वाची कागदपत्रे सार्वजनिक केल्यानंतर फाऊंडेशनने आपली बाजू अधिकृतपणे मांडली आहे. "आम्ही एपस्टीनला कधीही कोणतेही पेमेंट केले नाही आणि त्याच्यासाठी कधी कामही केले नाही," असे फाऊंडेशनने ठामपणे स्पष्ट केले आहे.नेमका वाद काय? गेल्या काही काळापासून बिल गेट्स आणि जेफरी एपस्टीन यांच्या संबंधांबाबत अनेक चर्चा रंगल्या होत्या. एपस्टीन हा लैंगिक शोषणाच्या गुन्ह्यात दोषी ठरलेला गुन्हेगार होता. अमेरिकन न्याय विभागाने लाखो कागदपत्रे प्रसिद्ध केल्यावर समजले की, जगातील अनेक बड्या हस्तींचे एपस्टीनशी संबंध होते. यामध्ये बिल गेट्स यांचे नावही वारंवार समोर येत असल्याने फाऊंडेशनला यावर स्पष्टीकरण देणे भाग पडले आहे.भेटीमागचे कारण काय होते? फाऊंडेशनने दिलेल्या माहितीनुसार, काही कर्मचाऱ्यांनी एपस्टीनशी संवाद साधला होता. एपस्टीनने असा दावा केला होता की, तो जागतिक आरोग्य आणि विकासासाठी मोठ्या देणगीदारांकडून निधी मिळवून देऊ शकतो. याच शक्यतांची चाचपणी करण्यासाठी फाऊंडेशनच्या कर्मचाऱ्यांनी त्याच्याशी चर्चा केली होती. मात्र, ही चर्चा कधीही पुढे गेली नाही आणि कोणताही निधी कधीही गोळा करण्यात आला नाही."ती भेट ही माझी मोठी चूकच!" खुद्द बिल गेट्स यांनीही यापूर्वी यावर भाष्य केले आहे. एपस्टीनशी भेटीगाठी करणे ही आपली मोठी चूक होती, असे त्यांनी मान्य केले आहे. केवळ समाजसेवेच्या कामाचा विस्तार करण्याच्या उद्देशाने आपण त्याला भेटलो होतो, असे गेट्स यांनी वारंवार सांगितले आहे. एपस्टीन २००८ मध्ये दोषी ठरल्यानंतरही गेट्स यांनी त्याच्याशी चर्चा सुरू ठेवली होती, ज्यामुळे त्यांच्यावर टीका झाली होती.फाऊंडेशनला पश्चात्ताप फाऊंडेशनने आता स्पष्ट शब्दांत म्हटले आहे की, "एपस्टीनसारख्या व्यक्तीसोबत फाऊंडेशनच्या कोणत्याही कर्मचाऱ्याने संवाद साधला, याचा आम्हाला खेद आणि पश्चात्ताप वाटतो." एपस्टीनचा २०१९ मध्ये मॅनहॅटन तुरुंगात संशयास्पद मृत्यू झाला होता, ज्याला आत्महत्या मानले गेले. बिल अँड मेलिंडा गेट्स फाऊंडेशन ही जगातील आरोग्य सेवांसाठी सर्वाधिक दान देणारी संस्था आहे. अशा प्रतिष्ठित संस्थेचे नाव एका गुन्हेगाराशी जोडले गेल्यामुळे फाऊंडेशनने आपली प्रतिमा सुधारण्यासाठी हे महत्त्वाचे स्पष्टीकरण दिले आहे.

International (Marathi News)

Todays Breaking Maharashtra News Live Updates in Marathi: भारत - अमेरिका व्यापार करारावरून लोकसभेतील विरोधी पक्षनेते राहुल गांधी यांनी ... ...

चीनमध्ये मेट्रोच्या कामामुळे रस्त्याला मोठा खड्डा पडल्याची घटना समोर आली आहे. ...