coronavirus: सॅनिटायझर लावलेल्या हातांनी खाणं सुरक्षित की असुरक्षित? जाणून घ्या वापरण्याची योग्य पद्धत

By ऑनलाइन लोकमत | Published: August 1, 2020 03:49 PM2020-08-01T15:49:09+5:302020-08-01T15:53:16+5:30

देशात कोरोना विषाणूचा संसर्ग सुरू झाल्यापासून हात स्वच्छ ठेवण्यासाठी सॅनिटायझरचा वापर मोठ्या प्रमाणात वाढला आहे. मात्र सॅनिटायझर योग्य प्रकारचे कसा वापर करायचा याबाबत अजूनही अनेकांना योग्य ती माहिती नाही

coronavirus: Is it safe or unsafe to eat after use sanitizer? Learn the right way to use it | coronavirus: सॅनिटायझर लावलेल्या हातांनी खाणं सुरक्षित की असुरक्षित? जाणून घ्या वापरण्याची योग्य पद्धत — coronavirus: सॅनिटायझर लावलेल्या हातांनी खाणं सुरक्षित की असुरक्षित? जाणून घ्या वापरण्याची योग्य पद्धत

ठळक मुद्देसॅनिटायझरमध्ये मोठ्या प्रमाणात अल्कोहोल असते, ते तुमचे मुत्रपिंड, यकृत आणि हृदयाला हानी पोहोचवू शकतेत्यामुळे सॅनिटायझर लावल्यानंतर किमान २० सेकंटांनंतर खाण्यास सुरुवात करावारंवार सॅनिटायझरचा वापर करणे योग्य नाही. तामुळे वारंवार सॅनिटायझर लावण्यापेक्षा हात धुण्याची सवय लावून घेतली पाहिजे

मुंबई - देशातील कोरोना विषाणूचा संसर्ग सातत्याने वाढत आहे. दरम्यान, कोरोनाला रोखायचं असेल तर आता स्वच्छताच गरजेची आहे, याची जाणीव आता सर्वांना झाली आहे. कोरोनाचा संसर्ग रोखण्यासाठी वारंवार हात स्वच्छ धुण्याचे आवाहनही केले जात आहे. दरम्यान, देशात कोरोना विषाणूचा संसर्ग सुरू झाल्यापासून हात स्वच्छ ठेवण्यासाठी सॅनिटायझरचा वापर मोठ्या प्रमाणात वाढला आहे. मात्र सॅनिटायझर योग्य प्रकारचे कसा वापर करायचा याबाबत अजूनही अनेकांना योग्य ती माहिती नाही आहे. त्यामुळे आज आपण सॅनिटायझरच्या योग्य वापराबाबत माहिती घेऊया.

कोरोनाचा संसर्ग सुरू झाल्यापासून सॅनिटायझर हा परवलीचा शब्द बनला आहे. त्यातून गेल्या काही काळात सॅनिटायझरच्या उत्पादनाचा उद्योगही वेगाने वाढला आहे. मात्र बाजारात उपलब्ध असलेल्या सॅनिटायझरपैकी सगळेच सॅनिटायझर हे काही तितकेसे प्रभावी नसतात. त्यामुळे सॅनिटायझरची खरेदी करताना त्यामध्ये ६० ते ७० टक्के अल्कोहोल आहे का याची पडताळणी करून घ्या. तसेच हे अल्कोहोल ईथाइल किंवा आइसप्रोपाइल असले पाहिजे, हे लक्षात ठेवा.

तसेच सॅनिटायझर लावलेल्या हातांनी लगेच खाणे हे आपल्या प्रकृतीसाठी धोकादायक ठरू शकते. त्याचं कारण म्हणजे सॅनिटायझरमध्ये मोठ्या प्रमाणात अल्कोहोल असते, ते तुमचे मुत्रपिंड, यकृत आणि हृदयाला हानी पोहोचवू शकते. त्यामुळे सॅनिटायझर लावल्यानंतर किमान २० सेकंटांनंतर खाण्यास सुरुवात करा. कारण एवढा वेळ तुमच्या हातावर लावलेल्या सॅनिटायझरमधील अल्कोहोल उडून जाण्यास पुरेसा आहे.

सॅनिटायझर लावल्यानंतर कितीवेळ आपला हात सुरक्षित राहू शकतो, असा प्रश्न अनेकांना पडतो. या प्रश्नाचे उत्तर देताना डॉक्टर सांगतात की, जेव्हा तुम्ही सॅनिटायझर लावता तेव्हा तोपर्यंत तुमच्या हातावर असलेले सर्व जीवाणू आणि विषाणू नष्ट होतात. मात्र सॅनिटायझरचा वापर केल्यानंतर २० सेकंदांनी तुम्ही पुन्हा कुठल्या वस्तूला स्पर्श केला तर तुम्हाला पुन्हा हात स्वच्छ करून घ्यावे लागतील. तसेस वारंवार सॅनिटायझरचा वापर करणे योग्य नाही. तामुळे वारंवार सॅनिटायझर लावण्यापेक्षा हात धुण्याची सवय लावून घेतली पाहिजे. तसेच सॅनिटायझर लावल्यानंतर किमान १० ते १२ सेकंद आपले हात चोळले पाहिजेत.