शनि जयंती आणि शनि अमावस्या २०२६: साडेसाती-ढय्येचा त्रास संपणार! १६ मे रोजी करा 'हे' विशेष उपाय

Shani Jayanti 2026: १६ मे रोजी शनि जयंती आणि शनि अमावास्या हे दोन योग एकत्र जुळून आले आहेत, त्या मुहूर्तावर पुढे दिलेले उपाय केले असता साडेसाती आणि ढय्येचा त्रास कमी होतो. 

यावर्षी १६ मे २०२६ रोजी एक अत्यंत दुर्मिळ आणि शुभ असा 'महायोग' जुळून येत आहे. या दिवशी केवळ वैशाख अमावस्या नसून साक्षात सूर्यपुत्र भगवान शनिदेव यांची 'शनि जयंती' देखील आहे. ही अमावस्या शनिवारी आल्यामुळे तिला 'शनि अमावस्या' म्हटले जाईल. अशा प्रकारे शनि जयंती आणि शनि अमावस्या एकाच दिवशी येणे ही घटना आध्यात्मिकदृष्ट्या अतिशय शक्तिशाली मानली जाते.

हे ही वाचा : Adhik Maas 2026: अधिक मासात का लावली जाते वेणीमाधव वात? काय आहे वैशिष्ट्य, महत्त्व आणि लाभ? वाचा

१६ मे २०२६ हा दिवस शनिदेवाच्या उपासनेसाठी वर्षातील सर्वात मोठा दिवस ठरणार आहे. जेव्हा वैशाख अमावस्या शनिवारी येते आणि त्याच दिवशी शनि जयंती असते, तेव्हा केलेल्या दानाचे आणि पूजेचे फळ अनेक पटींनी वाढते. ज्यांच्यावर शनीची साडेसाती, ढय्या किंवा शनी पिडा आहे, त्यांच्यासाठी हा दिवस भाग्योदयाचा ठरू शकतो.

वैशाख अमावास्येचे विशेष महत्त्व

शनि जयंती: या तिथीला शनिदेवाचा जन्म झाला, असे मानले जाते.

शनि अमावस्या: शनिवारी येणाऱ्या अमावस्येला 'शनैश्चरी अमावस्या' म्हणतात, जी पितृदोष आणि शनी दोषासाठी प्रभावी मानली जाते.

महायोग: एकाच दिवशी जयंती आणि अमावस्या आल्याने शनीची कृपादृष्टी मिळवण्यासाठी हा काळ सर्वोत्तम आहे.

हे ही वाचा : Ritual: महत्त्वाच्या कामाला जाताना 'दही-साखर' का खातात? केवळ श्रद्धा की विज्ञानाची जोड?

शनिदेवाला प्रसन्न करण्यासाठी विशेष विधी (Rituals)

पवित्र स्नान: सकाळी सूर्योदयापूर्वी उठून गंगाजलमिश्रित पाण्याने स्नान करावे. यामुळे शरीरातील नकारात्मकता दूर होते.

तैलाभिषेक: शनि मंदिरात जाऊन शनिदेवाच्या मूर्तीला मोहरीचे तेल (Mustard Oil) अर्पण करावे. अर्पण करताना शनी देवाच्या डोळ्यांत न पाहता चरणांकडे पाहून प्रार्थना करावी.

पिंपळाची पूजा: संध्याकाळी पिंपळाच्या झाडाच्या मुळाशी मोहरीच्या तेलाचा दिवा लावावा. झाडाला सात वेळा प्रदक्षिणा घालताना 'ॐ शं शनैश्चराय नमः' या मंत्राचा जप करावा.

हे ही वाचा : Astro Tips: देवापर्यंत प्रार्थना पोहोचली हे कसे ओळखावे? पूजेदरम्यान मिळणाऱ्या 'या' ५ खुणांचा नेमका अर्थ

शनी पिडेतून मुक्तीसाठी प्रभावी उपाय (Remedies)

ज्यांना साडेसातीचा त्रास होत आहे, त्यांनी या दिवशी 'दान' करण्याला विशेष महत्त्व द्यावे:

अन्नदान: या दिवशी गरजू व्यक्तींना काळे उडीद, काळे तीळ किंवा खिचडी दान करावी.

वस्तू दान: काळे कपडे, लोखंडी भांडी, काळी छत्री किंवा चामड्याचे बूट दान करणे अत्यंत शुभ मानले जाते.

पशू सेवा: काळ्या कुत्र्याला किंवा काळ्या गाईला तेल लावलेली भाकरी खाऊ घातल्याने शनी पिडा शांत होते.

काय टाळावे? (Things to Avoid)

या दिवशी मीठ, लोखंड आणि मोहरीचे तेल विकत घेऊ नये.

कोणाशीही खोटे बोलणे किंवा गरिबांचा अपमान करणे टाळावे, कारण शनी हा न्यायाचा देव असून तो कर्माचे फळ देतो.