लोकमत न्यूज नेटवर्क
शिरूर कासार : अनुसूचित जातीसह वंचित घटक व ऊसतोड मजुरांच्या ग्रामीण भागातील विद्यार्थ्यांना सर्वाधिक शैक्षणिक फटका बसत आहे. हे सर्व टाळण्यासाठी व विद्यार्थ्यांना शिक्षण प्रवाहात सहभागी करून घेण्यासाठी शासकीय निवासी शाळेने थेट स्पाॅट ॲडमिशन मोहीम सुरू केली.
कोरोनामुळे विद्यार्थी व शिक्षक यांच्यात मोठी दरी निर्माण झाली आहे. ऑनलाईन शिक्षण सुरू असले, तरी त्यात अनंत अडचणी आहेत. स्पॉट ॲडमिशन मोहिमेसाठी मुख्याध्यापक अस्मिता जावळे यांच्यासह शिक्षक आदिवासी, भिल्ल, पारधी वस्ती, तांडे, खडी क्रेशर, वीट भट्ट्यांवर पोहोचले आहेत. शासकीय निवासी शाळेत या विद्यार्थ्यांसाठी निवास, भोजन आदी सर्व शैक्षणिक सुविधा मोफत मिळत आहेत. आपल्या मुलांचे शैक्षणिक नुकसान करू नका, त्यांना शिक्षणापासून वंचित ठेवू नका, या बाबी पालकांना समजावून सांगितल्या जात आहेत. शिवाय ऑनलाईन शिक्षण असले, तरी ग्रामीण भागातील विद्यार्थ्यांना अँड्राॅईड मोबाईल असला तर रिचार्ज करणे, केलाच तर लाईट नसल्यास चार्जिंग कशी करणार? नेट उपलब्ध नसणे या कारणाने अडथळे येत असतात. याची जाणीव करून दिली जात आहे. शिक्षणाबरोबर विद्यार्थ्यांना स्वच्छता आणि आरोग्याचे महत्त्व सांगितले जात आहे. मोहिमेव्दारे पालकांचे मतपरिवर्तन केले जात असल्याचे मुख्याध्यापिका अस्मिता जावळे यांनी सांगितले.
मोहिमेत शिक्षक शिवाजी पाचे, सुनील फड, रामलिंग खेडकर, संतोष सानप, अश्विनी मुळे, अंजली देवकते, पृथ्वीराज जावळे, बोरूडे, सिरसाट आदींची टीम थेट स्पाॅटवर पोहोचत आहे.
....
‘स्पाॅट ॲडमिशन’ मोहिमेमुळे सामाजिक न्याय व विशेष सहाय्य विभागाची राष्ट्रीय स्वच्छ पुरस्कार प्राप्त शाळा आपल्या दारी आल्याची भावना पालकात निर्माण होत आहे. यामुळे पालकांची मानसिकता बदलत असून मोहिमेचा उद्देश साध्य होत आहे.
-अस्मिता जावळे, मुख्याध्यापक.
===Photopath===
230621\img-20210622-wa0027.jpg
===Caption===
फोटो स्पाॅट अॅडमिशन मोहीम सुरू