घाटवळणात ओव्हरलोड ट्रक, अपघाताची मालिकाच
फोटो पी ०६ जावरे ॲक्सिडंट
लोकमत विशेष
फोटो कॅप्शन (शनिवारी घटांग सेमाडोह नजीक घोडगी पुलानजीक रस्त्याच्या कडेला कोसळलेला ओव्हरलोड ट्रक )
नरेंद्र जावरे-परतवाडा : परतवाडा - धारणी - इंदूर या महाराष्ट्र-मध्यप्रदेश आंतरराज्य वाहतूक करणाऱ्या मालवाहू ट्रक रविवारी घटांग ते सेमाडोह मार्गावरील घोडगी पुलानजीक घाटवळणावर रस्त्याच्या कडेला कोसळला. मध्यप्रदेशातून ओव्हरलोड ट्रकचा अपघात होणे नित्याचीच बाब झाली आहे. परंतु, आरटीओ विभागाचे दुर्लक्ष हप्ताखोरीमुळे सुरू असल्याचा आरोप आहे. या अपघाताच्या मालिकांचा धोका इतर प्रवासी वाहनांना होण्याची भीती वर्तविण्यात येत आहे.
परतवाडा, घटांग, सेमाडोह, धारणी, खंडवा, इंदूर, असा हा मध्यप्रदेशात जाणारा आंतरराज्यीय महामार्ग आहे. हरिसाल, सेमाडोह ते परतवाडानजीकच्या बुरडघाटपर्यंत किमान ६० किलोमीटर अंतरात घाटवळण आहे. या मार्गावर रात्रंदिवस मोठ्या प्रमाणात जडवाहतूक करणारे ट्रक धावतात. वर्षभरात अनेकदा ट्रक अपघाताच्या घटना घडत आहेत. त्याच्या मागील कारणांचा शोध घेतला असता, अनेक धक्कादायक बाबी पुढे आल्या असून, आरटीओसह व्याघ्र प्रकल्प आदी विभाग या अपघाताला कारणीभूत ठरत असल्याचे निदर्शनास येत आहे.
बॉक्स
अरुंद रस्ते, रुंद करण्याची परवानगी नाही
परतवाडा ते धारणीपर्यंत शंभर किलोमीटर अंतरावर अनेक ठिकाणी घाटवळण आहे. हा संपूर्ण मार्ग सार्वजनिक बांधकाम विभागाच्या अखत्यारित येतो. रस्त्याची रुंदी साडेपाच मीटर आहे. वळणावर सात मीटर व्हायला पाहिजे. परंतु वळणावरसुद्धा एकसारखीच रुंदी असल्याने चालकांना मोठे वाहन वळविताना तारेवरची कसरत करावी लागत असल्याचे वास्तव आहे. वळणावर रस्ता रुंदीकरणासाठी व्याघ्र प्रकल्पाची परवानगी मिळत नसल्यामुळे सार्वजनिक बांधकाम विभाग हतबल आहे.
बॉक्स
ओव्हरलोड ट्रक, आरटीओ गप्प का?
परतवाडा ते इंदूर मार्गावर मोठ्या प्रमाणात ओव्हरलोड ट्रक वाहतूक होते. हा सर्व प्रकार घाटवळणातून ट्रकला वारंवार होणाऱ्या अपघातातून उघड झाला असताना संबंधित आरटीओ विभागाने त्यावर मौन धारण केल्याचे चित्र आहे. बुरडघाटनजीक आरटीओचा तपासणी नाका आहे. त्यावर कुठल्या ट्रकवर कारवाई केली जाते, हे मात्र गुलदस्त्यात आहे.
बॉक्स
घोडगी पुलानजीक ओव्हरलोड ट्रक कोसळला
रविवारी सकाळी १० वाजता दरम्यान घटांगपासून १० किलोमीटर अंतरावर ते सेमाडोह मार्गावरील घोडगी पूल आहे. त्याजवळ एमपी ०९ एच ९६७० क्रमांकाचा परतवाडाकडे जाणारा मालवाहू ओव्हरलोड ट्रक रस्त्याच्या कडेला कोसळला. विरुद्ध दिशेने प्रवासी बस आल्यामुळे ट्रकचालक अनियंत्रित झाल्याने अपघात घडल्याची माहिती आहे. या अपघातामुळे ट्रक रस्त्यावरच आडवा झाल्याने काही काळ वाहतूक ठप्प झाली होती.
कोट
शनिवारी घटांग सेमाडोह मार्गावर ट्रक कोसळल्याची कुठल्याच प्रकारची नोंद पोलिसात नाही. अपघातग्रस्त ट्रक परस्पर नेला का त्याचे कारण यासंदर्भात माहिती घेतली जात आहे.
- राहुल वाढीवे,
ठाणेदार, चिखलदरा
कोट
सार्वजनिक बांधकाम विभागाच्या अंतर्गत रस्ते आहे. ओव्हरलोड हे कारण असले तरी रस्त्याची वळणावरील रस्तारुंदी एवढीच आहे. व्याघ्र प्रकल्पाची परवानगी मिळत नसल्याने वळण मार्ग अरुंद करता येत नाही.
चंद्रकांत मेहत्रे
कार्यकारी अभियंता
सा बां विभाग अचलपूर
060721\img-20210705-wa0005.jpg
रस्त्यावर अपघातग्रस्त ट्रक