धारणी : शहरातील धनाई नगर परिसरातील दोन वेगवेगळ्या इमारतीमधील पाच बंद घरे चोरांनी शनिवारी रात्री फोडल्याने परिसरातील नागरिकांमध्ये भीतीचे वातावरण निर्माण झाले आहे.
शहरातील धनाई नगर प्रभाग क्रमांक २ मधील रहिवासी शिक्षक घनश्याम कासदेकर, तुलसी चतुर, पंकज मालवीय, शिक्षक उमेश गहुकर व अभियंता अलकारी या पाच जणांची बंद घरे फोडून सोन्या चांदीच्या दागिण्यांसह रोख रक्कम लांबविली. तुलसी चतुर यांच्याकडील दीड लाख रुपये किमतीचे सोन्याचे दागिणे, ५० हजार रुपये रोख, उमेश गहुकर यांच्याकडील ३ हजार रोख चोरीला नेल्याची माहिती त्यांनी दिली आहे. तर अभियंता अलकरी, पंकज मालवीय व घनश्याम कासदेकर बाहेरगावी गेले असल्याने त्यांच्याकडील नेमके काय चोरीला गेले, याची माहिती अद्याप हाती आलेली नाही. त्यांच्या शेजाºयांनी त्यांना फोनद्वारे चोरीची माहिती दिली. धारणी पोलीस घटनास्थळी पोहोचले. पंचनामा करण्यात आला.
-----