बुलडाणा ताज्या मराठी बातम्या | buldhana Online News in Marathi at Lokmat.com

- सदानंद सिरसाटलोकमत न्यूज नेटवर्कखामगाव : राज्यात प्रतिबंधित असलेला गुटखा मध्य प्रदेशातून विदर्भातील अकोला जिल्ह्यापर्यंत पोहोचण्यासाठी बऱ्हाणपूर येथून जळगाव जिल्ह्यातील जामनेर, पहूरमार्गे मालवाहू वाहनांतून राजरोसपणे आणला जातो. त्यासाठी ७ क्विंटल क्षमतेच्या वाहनापोटी दरमहा ६० हजार रुपये विविध ठाण्यांतील पोलिसांवर खर्च होत असल्याची माहिती आहे. त्यामुळेच खामगाव औद्योगिक वसाहतीत कोट्यवधी रुपयांची गुटख्याची साठेबाजी करण्याची हिंमत काही माफियांनी केलेली आहे. राज्यात गुटखा प्रतिबंधित आहे. मात्र, विदर्भात ग्रामीण भागात हा गुटखा सहजपणे उपलब्ध आहे आणि अव्वाच्या सव्वा दराने त्याची विक्री होत आहे. गुटख्याची किंमत वाढण्यामागे वाहतूक खर्च अधिक असल्याचे कारण आहे. बऱ्हाणपूर येथे गुटखा माफियांचे मुख्य केंद्र आहे. तेथून जामनेर तालुक्यात गुटखा रात्रीच्या अंधारात आणला जातो व तेथून त्याच तालुक्यातील पहूरला पोहोचतो. खामगाव तसेच अकोला येथे तो आणण्यासाठी छोट्या वाहनांचा वापर होतो. त्यात खाद्यपदार्थांची हलकी पाकिटे कोंबली जातात. त्याखाली गुटख्याची पोती दडवून गुटखा पोहोचवला जातो. काही गुटखा माफिया वाहनचालक पोलिसांची नजर चुकवण्यासाठी दिवसाढवळ्या वाहतूक केली जाते.मलकापूर, नांदुरा, बोराखेडी, पिंपळगाव हद्दीतून वाहतूकविशेष म्हणजे, गुटखा खामगाव, अकोल्यात पोहोचवण्यासाठी मलकापूर, बोराखेडी, नांदुरा, पिंपळगावराजा पोलीस ठाण्याच्या हद्दीतून वाहतूक केली जाते. खामगाव वगळता कुठेही कारवाई होत नसल्याने गुटखा माफियांचा छोट्या गाडीमागे होत असलेला ६० हजार रुपये मासिक खर्च ‘सत्कारणी’ लागत आहे.अकोल्यात खडकी पुलाजवळ साठाखामगाव शहरातील बर्डे प्लाॅट, औद्योगिक वसाहतीतील गोदामात गुटख्याचा सर्रास व्यापार केला जातो. तर खामगावातीलच काहींनी थेट अकोल्याशी संधान साधले आहे. खाद्यपदार्थांच्या पाकिटासह गुटखा दररोज सकाळी अकोल्यात पोहोचतो. मंगरूळपीर मार्गावर राष्ट्रीय महामार्गाच्या खडकी अंडरपासजवळ असलेल्या गोदामात गुटखा उतरवला जातो. जैन नामक व्यक्तीचे हे गोदाम आहे. तेथून सकाळी ११ वाजेपर्यंत गुटखा अकोला शहरातील पान टपऱ्या, किराणा दुकानांत पोहोचतो.

बुलडाणा, मराठी बातम्याFOLLOW

Buldhana, Latest Marathi News

Corona Cases in Buldhana: साेमवारी ४१ जणांनी काेराेनावर मात केली असून १८ जणांचा अहवाल पाझिटीव्ह आला आहे़. ...

MLA Sanjay Ramulkar jumped into the Pentakli dam : आंदाेलनाची अधिकाऱ्यांनी दखल न घेतल्याने आमदार रायमुलकर यांनी धरणाच्या पाण्यात उडी घेतली़. ...

Crime News : घरी कोणी नसल्याची संधी साधून अज्ञात चोरट्यांनी त्यांच्या घराचा समोरचा दरवाजा तोडून घरात प्रवेश केला. ...

Attempt to burn alive by throwing petrol on the body : या घटनेत संदीप बाबूराव निकाळजे हा जखमी झाला आहे. ...