'मेहनत का फल', Harley Davidson बाईकवरुन Zomato डिलिव्हरी; Video व्हायरल...

सोशल मीडियावर कधी काय व्हायरल होईल, काही सांगता येत नाही.

Zomato Delivery Harley Davidson : गेल्या काही वर्षांपासून ऑनलाईन फूड डिलिव्हरी सामान्य बाब झाली आहे. झोमॅटो आणि स्विगीसह अनेक कंपन्या फूड डिलिव्हरीचे काम करतात. तुम्हीदेखील अनेकदा रस्त्याने जाताना या कंपन्यांचे डिलिव्हरी बॉय पाहिले असतील. या डिलिव्हरी बॉईजबाबत एक गोष्ट निरखून पाहिली तर कळेल की, या सर्वांकडे स्वस्त किंवा सेकंड हँड बाईक/स्कूटर असते. पण, सध्या एक वेगळाच व्हिडिओ सोशल मीडियावर व्हायरल होत आहे.

तुम्ही कधी महागड्या हार्ले डेव्हिडसन बाईकने फूड डिलिव्हरी करताना पाहिले आहे का? सोशल मीडियावर व्हायरल होत असलेल्या व्हिडिओमध्ये एक झोमॅटो डिलिव्हरी बॉय चक्क हार्ले डेव्हिडसन बाईकवरुन डिलिव्हरी करताना दिसतोय. हा व्हिडिओ सध्या सोशल मीडियावर व्हायरल होत आहे.

हा व्हिडिओ इन्स्टाग्रामवर _call_me_ashu16 नावाच्या अकाऊंटवरून शेअर करण्यात आला आहे. या व्हिडिओला आतापर्यंत 2.9 मिलियन लोकांनी पाहिले आहे, तर अनेक युजर्स यावर विविध कमेंट्स करत आहेत. एका यूजरने लिहिले, बाईकचे EMI भरण्यासाठी काम करत असेल, तर दुसऱ्याने लिहिले, EMI भरण्याची पद्धत थोडी अनौपचारिक आहे. तिसऱ्या युजरने त्याचे कौतुक करत लिहिले की, त्याने खूप मेहनत करुन त्याची आवडीची बाईक विकत घेतली आहे.