Satara Marathi News | सातारा मराठी बातम्या | Latest Satara News in Marathi | सातारा ताज्या बातम्या | Satara Crime Marathi News | सातारा ब्रेकिंग न्यूज़| Breaking & Live Satara News | Satara Local News Update| Today's Satara News paper

येथील पंचायत समितीची मासिक सभा शुक्रवारी संपन्न झाली. या सभेत शिक्षण विभागाच्या आढाव्यादरम्यान उपसभापती रमेश देशमुख यांनी अधिकाऱ्यांना धारेवर धरले. शिक्षकांच्या उपस्थितीच्या मुद्यावर त्यांनी प्रश्नांची सरबत्ती केली. सभेच्या अध्यक्षस्थानी सभापाती प्रणव ताटे होते.उपसभापती देशमुख म्हणाले, जिल्हा परिषदेच्या शाळांमध्ये शिक्षकांच्या अनुपस्थितीचे प्रमाण जास्त आहे. यामध्ये शिक्षण विभागाने लक्ष घालून सुधारणा करावी तसेच पंचायत समिती पदाधिकाऱ्यांनीही तालुक्यातील जिल्हा परिषद शाळांमधील शिक्षकांच्या उपस्थितीबद्दल माहिती द्यावी, अशाही सूचनाही त्यांनी यावेळी केल्या.पशुसंवर्धन विभागाच्या आढाव्यावेळी सदस्य सुहास बोराटे यांनी स्वाईन फ्लूच्या परिस्थितीबाबत पशुसंवर्धन अधिकाऱ्यांकडे माहिती विचारली. यावेळी पशुसंवर्धन अधिकारी डॉ. मुंढेगावकर म्हणाले, तालुक्यात सध्यातरी स्वाईन फ्लूची कोणतीही लक्षणे निदर्शनास आलेली नाहीत. तसेच तालुक्यातील सर्व पोल्ट्री चालक, चिकन विक्रेत्यांना स्वाईन फ्लूबाबत आवश्यक त्या दक्षता घेण्याच्या सूचना दिल्या असून तशी लक्षणे सापडल्यास आवश्यक ती कार्यवाही करण्याच्या सूचनाही दिल्याचे डॉ. मुंढेगावकर यांनी सांगितले.दरम्यान, पशुसंवर्धन विभागाच्या किती योजनांचा लाभ सदस्यांच्या शिफारशीनुसार लाभार्थिंना मिळाला, अशी विचारणा डॉ. मुंढेगावकर यांना सदस्यांनी केली. तसेच सदस्यांनी शिफारस करूनही थेट लाभार्थिंना जास्त लाभ मिळत नसेल तर शिफारस करुन काय उपयोग? असाही सवाल उपस्थित करण्यात आला. त्यावर डॉ. मुंढेगावकर म्हणाले, पशुसंवर्धन विभागाच्या योजनांबाबत पंचायत समिती सदस्यांनी केलेल्या शिफारशींचा विचार केला जाणार आहे. याबाबत सभापती, उपसभापती यांनाही माहिती देण्यात आल्याचेही त्यांनी यावेळी सांगितले.- चौकटअधिकारी, सदस्यांचीही सभेकडे पाठकऱ्हाड पंचायत समितीची सभा कोरोनाच्या प्रादुर्भावानंतर प्रथमच सभागृहात पार पडली. गत नऊ महिन्यांपासून सभा ऑनलाईन पद्धतीने घेण्यात येत होती. मात्र, शुक्रवारची सभा समिती सभागृहात आयोजित केली होती. या सभेला विविध विभागाचे अधिकारी व सदस्यांनीही दांडी मारली. ठरावीकच अधिकारी आणि सदस्य सभेला उपस्थित होते.- चौकटपंधरा दिवसांत लस अपेक्षितकऱ्हाड उपजिल्हा रुग्णालयाचा आढावा डॉ. कुऱ्हाडे यांनी दिला. कोरोना लस देण्यासंदर्भात नियोजन सुरू आहे. शुक्रवारी रंगीत तालीम झाली. पुढील पंधरा दिवसांत लस येणे अपेक्षित आहे. प्रथम आरोग्य विभागाशी संबंधित डॉक्टर व कर्मचाऱ्यांना लस देण्यात येणार आहे. याचे परिणाम कसे येतात, हे पाहिले जाईल. ही लस पूर्णपणे मोफत देण्यात येईल, असेही डॉ. कुऱ्हाडे यांनी सभेत सांगितले.

Satara (Marathi News)