CoronaVirus News : दहा दिवसांत जिल्ह्याला ४२ व्हेंटिलेटर्स उपलब्ध; जिल्हाधिकाऱ्यांची माहिती

By ऑनलाइन लोकमत | Published: May 16, 2021 08:51 PM2021-05-16T20:51:51+5:302021-05-16T20:52:39+5:30

CoronaVirus News in Sangali : गेल्या दहा दिवसांत जिल्ह्यात ४२ व्हेंटिलेटर्स व २० बायपॅप मशिनची उपलब्ध करण्यात आली असून शासकीय रुग्णालयांसह विविध खाजगी रुग्णालयांना यांचा पुरवठा करण्यात आल्याची माहिती जिल्हाधिकारी डॉ. अभिजीत चौधरी यांनी दिली. 

CoronaVirus News: 42 ventilators available in 10 days; Collector Information | CoronaVirus News : दहा दिवसांत जिल्ह्याला ४२ व्हेंटिलेटर्स उपलब्ध; जिल्हाधिकाऱ्यांची माहिती

CoronaVirus News : दहा दिवसांत जिल्ह्याला ४२ व्हेंटिलेटर्स उपलब्ध; जिल्हाधिकाऱ्यांची माहिती

Next
ठळक मुद्दे३२ व्हेंटिलेटर प्रशासनामार्फत खरेदी करण्यात आली असून यामधील 2 सीएसआर फंडातून खरेदी करण्यात आली आहेत.

सांगली : कोरोना महामारीचा झपाट्याने वाढत असलेला प्रादुर्भाव लक्षात घेऊन गरजू रुग्णांना उपचाराची सुविधा निर्माण करण्यासाठी जिल्हा प्रशासन, आरोग्य यंत्रणा सर्वतोपरी प्रयत्नशील आहे. गेल्या दहा दिवसांत जिल्ह्यात ४२ व्हेंटिलेटर्स व २० बायपॅप मशिनची उपलब्ध करण्यात आली असून शासकीय रुग्णालयांसह विविध खाजगी रुग्णालयांना यांचा पुरवठा करण्यात आल्याची माहिती जिल्हाधिकारी डॉ. अभिजीत चौधरी यांनी दिली. 

यातील ३२ व्हेंटिलेटर प्रशासनामार्फत खरेदी करण्यात आली असून यामधील 2 सीएसआर फंडातून खरेदी करण्यात आली आहेत. तर दहा व्हेंटिलेटर्स  वैद्यकीय महाविद्यालय व रुग्णालय मिरजसाठी राज्य शासनाकडून उपलब्ध झाली आहेत. यामध्ये शासकीय वैद्यकीय महाविद्यालय व रुग्णालय मिरज, भारती हॉस्पिटल मिरज येथे प्रत्येकी तीन, मिरज ग्रुप ऑफ फिजिशियन मिरज यांना 2 , सिनर्जी हॉस्पिटल मिरज, सायना कोविड सेंटर गणेश नगर सांगली यांना प्रत्येकी एक व्हेंटिलेटर उपलब्ध करून देण्यात आले आहे. 

जत कोविड हॉस्पिटलला चार, भगवान महावीर कोविड हॉस्पिटल सांगली आणि क्रीडा संकुल मिरजला प्रत्येकी तीन , विवेकानंद हॉस्पिटल बामनोलीला दोन व्हेंटिलेटर उपलब्ध करून देण्यात आले आहेत. याशिवाय श्वास हॉस्पिटल सांगली, घाडगे हॉस्पिटल सांगली, लाईफ केअर तासगाव , श्री हॉस्पिटल विटा, सद्गुरु हॉस्पिटल विटा, कवठे महांकाळ कोविड हॉस्पिटल, कोविड हॉस्पिटल पलूस,  देशमुख (सत्रे) चारिटेबल आयुर्वेदिक हॉस्पिटल इस्लामपूर , प्रकाश मेमोरियल क्लिनिक इस्लामपूर यांना प्रत्येकी एक व्हेंटिलेटर उपलब्ध करून देण्यात आले आहे. तसेच आटपाडी ग्रामीण रुग्णालयाला दोन व्हेंटिलेटर उपलब्ध करून देण्यात आलेले आहेत. शासकीय वैद्यकीय महाविद्यालय व रुग्णालय मिरज साठी राज्य शासनाने उपलब्ध करून दिलेले 10 वेंटिलेटर मिरज येथे पोहोच झाल्याचेही जिल्हाधिकारी अभिजीत चौधरी यांनी यावेळी सांगितले.

याशिवाय, मिरज चेस्ट हॉस्पिटल मिरजला चार,  भारती हॉस्पिटल मिरजला पाच, वेध मल्टीस्पेशालिटी तासगाव , उपजिल्हा रुग्णालय इस्लामपूर,  पलूस ग्रामीण रुग्णालय यांना प्रत्येकी दोन तर वाळवेकर हॉस्पिटल सांगली यांना तीन बायपॅप मशीन उपलब्ध करून देण्यात आले आहेत, असे जिल्हाधिकारी डॉ. अभिजीत चौधरी यांनी सांगितले आहे.

Web Title: CoronaVirus News: 42 ventilators available in 10 days; Collector Information

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app