Unseasonal Rain: ढगांचा गडगडाट, विजांचा कडकडाट... पनवेल, नवी मुंबई, रायगडात पावसाची हजेरी, नागरिकांची तारांबळ

By ऑनलाइन लोकमत | Updated: April 21, 2026 08:59 IST2026-04-21T08:57:15+5:302026-04-21T08:59:27+5:30

Panvel Navi Mumbai Rain Updates: अचानक आलेल्या पावसाने चाकरमान्यांचा गोंधळ, लहान मुलांनी घेतला पावसात भिजण्याचा आनंद

Thunderstorms, lightning Rain in Panvel, Navi Mumbai, Raigad, citizens panicked | Unseasonal Rain: ढगांचा गडगडाट, विजांचा कडकडाट... पनवेल, नवी मुंबई, रायगडात पावसाची हजेरी, नागरिकांची तारांबळ — Unseasonal Rain: ढगांचा गडगडाट, विजांचा कडकडाट... पनवेल, नवी मुंबई, रायगडात पावसाची हजेरी, नागरिकांची तारांबळ

Panvel Navi Mumbai Rain Updates: गेल्या काही दिवसांपासून उकाड्याने हैराण झालेल्या पनवेल व नवी मुंबईकरांना आज सकाळी अचानक आलेल्या पावसाने थोडासा दिलासा दिला. दमट हवामानामुळे पावसाची चिन्हे दिसत असतानाच, सकाळी ८ वाजताच्या सुमारास पनवेलसह नवी मुंबईत पावसाने हजेरी लावली. अवकाळी आलेल्या पावसासोबतच ढगांचा गडगडाट आणि विजांचा कडकडाट यामुळे घराबाहेर नोकरीसाठी किंवा विविध कामांसाठी गेलेल्या नागरिकांची तारांबळ उडाली. रेल्वे स्थानक, मुख्य रस्ते, बाजारपेठा आणि चौकांत अचानक आलेल्या पावसामुळे गोंधळ उडाला. दोन चाकी वाहनधारकांची त्रेधा उडाली; काही जणांनी झाडाखाली, तर काहींनी बस स्टॉपचा आसरा घेतला. अचानक आलेल्या या पावसाने रस्त्यांवर वाहतूक काही वेळ विस्कळीत झाली, परंतु अनेकांनी याचा मनमुराद आनंदही घेतला.

पनवेल, नवी मुंबईत पावसाची दमदार हजेरी. विजा चमकल्या, ढगांचा गडगडाट होतोय. pic.twitter.com/4QC6AHO7TK
— Viru B (@ViruB1023220) April 21, 2026

पावसाच्या सरींसोबत आलेल्या गार वाऱ्याने वातावरण थोडं शांत झालं. पण कार्यालयाला जाणारे कर्मचारी, काही शाळांचे विद्यार्थी आणि दुचाकीवरून प्रवास करत असलेल्यांना पावसाने भिजवून टाकले. असे असले तरी काही लहान मुलांनी मात्र पावसात भिजण्याचा मनसोक्त आनंद घेतला. अचानक आलेल्या पावसामुळे काही ठिकाणी थोड्या बहुत प्रमाणात पाणी साचले.

हवामान विभागाने आधीच काही भागांत उकाड्याचा आणि काही भागांत पावसाचा अंदाज व्यक्त केला होता. ही स्थिती येत्या काही दिवसांत पुन्हा निर्माण होऊ शकते असेही सांगण्यात आले आहे. वातावरणातील बदल आणि ढगाळ हवामान पाहता पुढील दोन-तीन दिवस थोड्या फार सरींचा अंदाज व्यक्त केला जात आहे. आजचा पाऊस हा केवळ हवामानातील बदल नव्हे, तर उकाड्याने हैराण झालेल्या नवी मुंबई आणि पनवेलकरांसाठी दिलासा ठरला.

Web Title : पनवेल, नवी मुंबई में अचानक बारिश, गरज के साथ छींटे; गर्मी से राहत

Web Summary : पनवेल और नवी मुंबई में गरज के साथ अचानक बारिश हुई, जिससे दैनिक जीवन अस्त-व्यस्त हो गया लेकिन भीषण गर्मी से राहत मिली। यात्रियों को कठिनाइयों का सामना करना पड़ा, जबकि बच्चों ने बारिश का आनंद लिया। मौसम विभाग ने आने वाले दिनों में इसी तरह की स्थिति का अनुमान जताया है।

Web Title : Sudden Rain, Thunderstorms Disrupt Panvel, Navi Mumbai; Relief from Heat

Web Summary : Panvel and Navi Mumbai experienced sudden rainfall with thunderstorms, disrupting daily life but providing relief from the intense heat. Commuters faced difficulties, while children enjoyed the rain. The weather department forecasts similar conditions in the coming days.

टॅग्स :