पुणे : अतिक्रमणविरोधी कारवाई करणाऱ्या महापालिकेतील सहायक निरीक्षकाला भाजी विक्रेत्यांनी शिवीगाळ करुन मारहाण केल्याची घटना हडपसरमधील हांडेवाडी परिसरात घडली. या प्रकरणी पाच जणांविरोधात गुन्हा दाखल करण्यात आला. याबाबत महापालिकेच्या अतिक्रमण विभागातील सहायक निरीक्षक अमोल लावंड यांनी फुरसुंगी पोलिस ठाण्यात फिर्याद दिली आहे. त्यानुसार, शीतल महेश डांगे, रेखा सुदेश रोकडे, शाहिन मियाँसाहेब शेख, उषा दादाराव गायकवाड आणि सोनू सुदेश रोकडे (सर्व रा. हांडेवाडी) यांच्याविरोधात गुन्हा दाखल करण्यात आला.
पोलिसांनी दिलेल्या माहितीनुसार, महापालिकेच्या अतिक्रमण विभागाकडून गुरुवारी (दि. १६) सायंकाळी सातच्या सुमारास हांडेवाडीतील भाजी विक्रेत्यांविरोधात कारवाई करण्यात येत होती. त्यावेळी हांडेवाडी परिसरातील भाजीविक्रेत्या महिलांनी कारवाईस विरोध करुन लावंड यांना धमकावले. ‘तू महिलांना शिवीगाळ केली. तुझ्याविरोधात गुन्हा दाखल करतो’, अशी धमकी दिली. त्यानंतर अतिक्रमण कारवाईस विरोध करुन लावंड यांच्या गाडीची काच एकाने फोडली. सरकारी कामात अडथळा आणल्याप्रकरणी भाजीविक्रेत्या महिलांविरोधात गुन्हा दाखल करण्यात आला असून, पोलिस उपनिरीक्षक विष्णू देशमुख पुढील तपास करत आहेत.
Web Summary : In Pune, vegetable vendors assaulted a municipal inspector during an anti-encroachment drive in Handewadi. Five individuals have been charged for obstructing government work. The vendors allegedly threatened the inspector and damaged his vehicle. Police are investigating.
Web Summary : पुणे में अतिक्रमण विरोधी अभियान के दौरान हांडेवाड़ी में सब्जी विक्रेताओं ने एक नगर निगम निरीक्षक पर हमला किया। सरकारी काम में बाधा डालने के आरोप में पांच लोगों पर मामला दर्ज किया गया है। विक्रेताओं ने कथित तौर पर निरीक्षक को धमकाया और उसके वाहन को क्षतिग्रस्त कर दिया। पुलिस जांच कर रही है।