पुणे: यशवंतराव चव्हाण द्रुतगती मार्गावरील डोंगरगाव-कुसगाव परिसरातील पुलाच्या दुरुस्ती व रंगकामासाठी येत्या दि. २३ आणि २४ एप्रिल रोजी प्रत्येकी तीन तास वाहतूक पूर्णपणे बंद ठेवण्यात येणार आहे. त्यामुळे वाहनचालकांनी प्रवासाचे नियोजन करून पर्यायी मार्गाचा वापर करावा, असे आवाहन राज्य रस्ते विकास महामंडळाने केले आहे.
महामंडळामार्फत कि.मी. क्र. ५८/५०० येथे बांधण्यात आलेल्या पुलाचे शटरिंग काढणे व रंगकामाची कामे हाती घेण्यात आली आहेत. त्यासाठी २३ एप्रिल रोजी दुपारी १२ ते ३ या वेळेत मुंबईकडे जाणारी वाहतूक पूर्णपणे बंद राहणार आहे. या कालावधीत सर्व वाहने किवळे, देहूरोड, तळेगाव मार्गे राष्ट्रीय महामार्ग क्र. ४८ वरून कुसगाव टोल प्लाझा येथून मुंबईकडे वळविण्यात येणार आहेत. तसेच २४ एप्रिल रोजी दुपारी १२ ते ३ या वेळेत पुण्याकडे जाणारी वाहतूक पूर्णपणे बंद ठेवण्यात येणार आहे. या वेळी सर्व वाहने कुसगाव टोल प्लाझा मार्गे राष्ट्रीय महामार्ग क्र. ४८ वरून देहूरोड, किवळे मार्गे पुण्याकडे वळविण्यात येतील. या काळात द्रुतगती मार्गावरील वाहनचालकांना अडचण आल्यास नियंत्रण कक्षाशी संपर्क साधावा, असे आवाहन राज्य रस्ते विकास महामंडळाचे जनसंपर्क अधिकारी तुषार अहिरे यांनी केले आहे.
Web Summary : The Mumbai-Pune Expressway will be closed for three hours on April 23rd and 24th due to bridge repairs. Traffic will be diverted via alternative routes through Kivale, Dehurod and Kusgaon. Motorists are advised to plan their journeys accordingly and contact the control room for assistance.
Web Summary : मुंबई-पुणे एक्सप्रेसवे 23 और 24 अप्रैल को पुल की मरम्मत के कारण तीन घंटे के लिए बंद रहेगा। किवले, देहूरोड और कुसगांव के माध्यम से वैकल्पिक मार्गों से यातायात को मोड़ा जाएगा। वाहन चालकों को सलाह दी जाती है कि वे अपनी यात्रा की योजना उसी अनुसार बनाएं और सहायता के लिए नियंत्रण कक्ष से संपर्क करें।