पुणे : दहावीची परीक्षा म्हटली की अनेक विद्यार्थ्यांच्या मनात धाकधूक निर्माण होते. पेपर कसा जाईल, अभ्यासातील प्रश्न येतील का ? किती गुण मिळतील, असे अनेक प्रश्न विद्यार्थ्यांना सतावत असतात. मात्र या सर्व चिंतांवर मात करत डेक्कन एज्युकेशन सोसायटीच्या माधव सदाशिव गोळवलकर गुरुजी माध्यमिक विद्यालयातील विद्यार्थिनी ओजसी ओगले हिने दहावीच्या परीक्षेत सर्व विषयांत १०० पैकी १०० गुण मिळवत यश संपादन केले.
ओजसी म्हणाली, माझ्या निकालाचे सर्व श्रेय शिक्षक आणि पालकांना जाते. त्यांच्या मार्गदर्शनामुळेच मला हे यश मिळाले. गुण मिळवण्यासाठी ताणाची गरज नसते; हातात पुस्तक आणि शिक्षकांची योग्य शिकवण हेच सर्वांत महत्त्वाचे असते. योग्य नियोजन आणि सातत्यपूर्ण अभ्यास केल्यास मुले-मुली दोघेही उत्कृष्ट यश मिळवू शकतात. निकालाची धाकधूक असतेच; पण आत्मविश्वास आणि नियमित अभ्यास असेल तर १०० टक्के निकाल मिळवणे शक्य आहे. भविष्यात विज्ञान शाखेत शिक्षण घेऊन संशोधन क्षेत्रात काम करण्याची इच्छा असल्याचे ओजसीने सांगितले. विशेषतः आयुर्वेद विषयात संशोधन करण्याची तिला आवड आहे.
ओजसीच्या पालकांनी सांगितले की, तिची केवळ अपेक्षा नव्हती, तर शंभर टक्के गुण मिळवण्याची इच्छा होती. तिने प्रामाणिकपणे आणि सातत्याने अभ्यास केला. तिच्या मेहनतीला आज यश मिळाले.
Web Summary : Pune's Ojasvi Ogale achieved perfect scores in all subjects in her tenth-grade exams. She attributes her success to teachers and parents, emphasizing consistent study and planning. Ojasvi aims to pursue science and research, particularly in Ayurveda. Her parents highlighted her dedication and desire to excel.
Web Summary : पुणे की ओजस्वी ओगले ने दसवीं कक्षा की परीक्षा में सभी विषयों में शत-प्रतिशत अंक प्राप्त किए। उन्होंने अपनी सफलता का श्रेय शिक्षकों और माता-पिता को दिया, निरंतर अध्ययन और योजना पर जोर दिया। ओजस्वी विज्ञान और अनुसंधान, विशेष रूप से आयुर्वेद में अपना करियर बनाना चाहती हैं। उनके माता-पिता ने उनकी मेहनत और उत्कृष्ट प्रदर्शन की इच्छा पर प्रकाश डाला।