तामिळनाडूच्याराजकारणात पाय ठेवतात दाक्षिणात्य सुपरस्टार विजय थलपती यांचा पक्ष टीव्हीके यांनी आपली ताकद दाखवून दिली. पहिल्यांदाच विधानसभेची निवडणूक लढवणाऱ्या विजय यांच्या पक्षाने जोरदार मुसंडी मारली. मात्र, बहुमताचा आकडा थोडक्यात हुकल्याने सत्ता स्थापनेसाठी विलंब झाला. याच पार्श्वभूमीवर थोल थिरुमावलवन यांच्या नेतृत्वाखालील व्हीसीके या पक्षाने टीव्हीकेला बिनशर्त पाठिंबा जाहीर केल्याने थलपती विजय यांच्या मुख्यमंत्रीपदाचा मार्ग आता पूर्णपणे मोकळा झाला आहे
सिनेजगतातून राजकारणात प्रवेश केल्यानंतर थलपती विजय यांच्या लोकप्रियतेची मोठी कसोटी या विधानसभा निवडणुकीत होती. टीव्हीके पक्षाने पहिल्यांदाच रिंगणात उतरून ११० जागा जिंकल्या आणि विरोधकांना मोठा धक्का दिला. तरीही, २३४ सदस्य संख्या असलेल्या तमिळनाडू विधानसभेत स्पष्ट बहुमतासाठी आवश्यक असलेला आकडा गाठता न आल्याने विजय यांना सत्ता स्थापनेसाठी संघर्ष करावा लागला. त्यामुळे तामिळनाडूत गेल्या काही दिवसांपासून सत्ता स्थापनेवरून राजकीय तणाव निर्माण झाल्याचे पाहायला मिळाले. या पार्श्वभूमीवर, थोल थिरुमावलवन यांनी टीव्हीकेला बिनशर्त पाठिंबा जाहीर केला आहे.
व्हीसीकेच्या या निर्णयामुळे थलपती विजय यांच्याकडे आता आवश्यक संख्याबळ गोळा झाले असून, त्यांनी सरकार स्थापनेच्या दिशेने वेगाने वाटचाल सुरू केली आहे. या पाठिंब्यामुळे विजय यांना मोठे राजकीय बळ मिळाले असून, तमिळनाडूमध्ये आता एका नव्या युगाची सुरुवात होणार असल्याचे बोलले जात आहे. लवकरच थलपती विजय राज्यपालांची भेट घेऊन सत्ता स्थापनेचा दावा करण्याची शक्यता आहे. सुपरस्टार ते मुख्यमंत्री असा विजय यांचा हा प्रवास तमिळनाडूच्या राजकीय इतिहासात मैलाचा दगड ठरणार आहे.
Web Summary : TVK's strong debut necessitates support. VCK's backing empowers Vijay to form government, marking a new era in Tamil Nadu politics. Victory imminent.
Web Summary : टीवीके की मजबूत शुरुआत को समर्थन की आवश्यकता है। वीसीके के समर्थन से विजय को सरकार बनाने का अधिकार मिला, तमिलनाडु की राजनीति में एक नया युग। विजय आसन्न।