जालना: महाराष्ट्र नवनिर्माण सेनेचे प्रमुख राज ठाकरे यांच्यावर टीका करणाऱ्या ॲड. गुणरत्न सदावर्ते यांना जालन्यात मनसे सैनिकांच्या रोषाला सामोरे जावे लागले. शनिवारी दुपारी सदावर्ते यांचा ताफा जालना शहरातील छत्रपती संभाजीनगर चौफुलीजवळून जात असताना, दबा धरून बसलेल्या कार्यकर्त्यांनी त्यांच्या गाडीवर काळी शाई आणि ऑइल, सुपाऱ्या फेकून जोरदार निषेध नोंदवला.
नेमकी घटना काय?
ॲड. सदावर्ते हे शनिवारी जालना दौऱ्यावर असताना मानदेऊळगावकडे जात होते. छत्रपती संभाजीनगर चौफुलीजवळ त्यांच्या गाड्यांचा ताफा येताच मनसे कार्यकर्त्यांनी घोषणाबाजी करत ताफा अडवण्याचा प्रयत्न केला. यावेळी कार्यकर्त्यांनी त्यांच्या गाडीवर काळे ऑइल फेकले. राज ठाकरे यांनी मराठी भाषेच्या मुद्द्यावर घेतलेल्या आक्रमक भूमिकेला सदावर्ते सातत्याने विरोध करत असल्याने, कार्यकर्त्यांनी हे पाऊल उचलल्याचे बोलले जात आहे.
पोलिसांची कारवाई
या घटनेनंतर परिसरात मोठा पोलीस बंदोबस्त तैनात करण्यात आला आहे. पोलिसांनी तातडीने हालचाली करत घोषणाबाजी करणाऱ्या काही मनसे कार्यकर्त्यांना ताब्यात घेतले आहे. या प्रकारामुळे राजकीय वर्तुळात मोठी खळबळ उडाली असून, परिसरात काही काळ तणावाचे वातावरण होते.
Web Summary : MNS activists in Jalna attacked Adv. Gunratna Sadavarte's car with black ink and oil to protest his criticism of Raj Thackeray. Police detained some MNS workers after the incident, which caused tension.
Web Summary : जालना में मनसे कार्यकर्ताओं ने राज ठाकरे की आलोचना के विरोध में अधिवक्ता गुणरत्न सदावर्ते की गाड़ी पर काली स्याही और तेल फेंका। घटना के बाद पुलिस ने कुछ मनसे कार्यकर्ताओं को हिरासत में लिया, जिससे तनाव फैल गया।