पुणे: घरगुती गॅसचा काळाबाजार करणाऱ्या दुकानावर काळेपडळ पोलिसांनी छापा टाकून मोठी कारवाई केली. या कारवाईत तब्बल १०३ गॅस सिलिंडर जप्त करण्यात आले असून एका इसमाविरोधात गुन्हा दाखल करण्यात आला आहे. नितीन हनुमंत होळकर (वय ३८, रा. हांडेवाडी) असे आरोपीचे नाव आहे.
पोलिसांनी दिलेल्या माहितीनुसार, काळेपडळ पोलिसांना हांडेवारी परिसरात एक व्यक्ती हा घरगुती गॅस सिलिंडरमधून व्यावसायिक गॅस सिलिंडरमध्ये गॅस ट्रान्स्फर करत असल्याची माहिती तसेच गॅस सिलिंडरच्या अवैध गॅस साठा व विक्रीबाबतची गुप्त माहिती मिळाली होती. त्यानुसार पोलिसांनी सापळा रचून संबंधित ठिकाणी छापा टाकला. तपासादरम्यान घरगुती वापरासाठी असलेल्या गॅस सिलिंडरचा व्यावसायिक वापरासाठी तसेच काळाबाजारासाठी साठा करून ठेवण्यात आल्याचे उघड झाले.
पोलिसांनी घटनास्थळावरून १०३ गॅस सिलिंडर आणि इतर साहित्य जप्त केले. या मालाची अंदाजे किंमत सुमारे ९० हजार रुपयांपेक्षा अधिक असल्याचे पोलिसांकडून सांगण्यात येत आहे. संबंधित आरोपीकडे गॅस साठवणुकीसाठी आवश्यक परवाना नसल्याचेही निष्पन्न झाले आहे. या प्रकरणी अत्यावश्यक वस्तू अधिनियमांतर्गत गुन्हा दाखल करण्यात आला असून पुढील तपास सुरू आहे.
Web Summary : Pune police raided a shop in Kalepadal, busting a black market operation involving domestic gas cylinders. 103 cylinders were seized, and one person, Nitin Holkar, was arrested for illegally transferring gas and stocking cylinders without a permit. The seized goods are valued over ₹90,000.
Web Summary : पुणे पुलिस ने कालेपड़ल में घरेलू गैस सिलेंडरों की कालाबाजारी का भंडाफोड़ किया। 103 सिलेंडर जब्त किए गए, और नितिन होलकर को अवैध रूप से गैस स्थानांतरित करने और बिना परमिट के सिलेंडर जमा करने के आरोप में गिरफ्तार किया गया। जब्त किए गए माल की कीमत ₹90,000 से अधिक है।