नसरापूर (पुणे जि.) : भोर तालुक्यातील नसरापूर येथे साडेतीन वर्षीय निष्पाप बालिकेवर लैंगिक अत्याचार करून तिची निर्घृण हत्या करण्यात आल्याची धक्कादायक घटना समोर आली आहे. तपासादरम्यान बालिकेच्या हत्येतील आरोपीवर पूर्वीपासूनच महिलांच्या छळाचे आरोप एका प्रकरणात त्याने शिक्षा भोगल्याची प्राथमिक माहिती पोलिसांनी दिली. या अमानुष घटनेमुळे संपूर्ण परिसरात संतापाची लाट उसळली असून ग्रामस्थांनी पुणे–सातारा महामार्गावर तब्बल दोन तास रास्ता रोको आंदोलन करत आरोपीला कठोर शिक्षा देण्याची मागणी केली.अधिकच्या माहितीनुसार, भिमराव कांबळे (वय ६०, रा. साळवडे, ता. भोर) याने “वासरू दाखवतो” असे सांगून चिमुकलीला गुरांच्या गोठ्याकडे नेले. सीसीटीव्ही फुटेजमध्ये बालिका निरागसपणे आरोपीसोबत जाताना दिसत आहे. त्यानंतर आरोपीने तिच्यावर लैंगिक अत्याचार करून हत्या केली आणि मृतदेह शेणाच्या ढिगाऱ्याखाली लपवून ठेवल्याचे तपासात उघड झाले. सदर बालिका सुट्टीसाठी आजोळी आली होती. बराच वेळ ती दिसत नसल्याने कुटुंबीयांनी शोधाशोध सुरू केली. दरम्यान, परिसरातील सीसीटीव्ही फुटेज तपासण्यात आले. फुटेजच्या आधारे ग्रामस्थांनी आरोपीचा माग काढत त्याला पकडले आणि पोलिसांच्या ताब्यात दिले.
Web Summary : Nasrapur rocked by the brutal murder of a toddler after sexual assault. The accused had a past record of harassing women. Villagers protested, demanding justice. Police assured swift action, promising a fast-track trial.
Web Summary : नसरापुर में एक बच्ची की यौन उत्पीड़न के बाद निर्मम हत्या से सनसनी। आरोपी का महिलाओं को परेशान करने का इतिहास रहा है। ग्रामीणों ने विरोध प्रदर्शन कर न्याय की मांग की। पुलिस ने त्वरित कार्रवाई का आश्वासन दिया।