वडगाव आनंद : आईचा आजार बरा करण्यासाठी अंगातील ‘दैवीशक्ती’चा वापर करण्याचे खोटे आमिष दाखवून एका अल्पवयीन मुलीवर वारंवार अत्याचार केल्याचा धक्कादायक प्रकार जुन्नर तालुक्यात उघडकीस आला आहे. याप्रकरणी आळेफाटा पोलिसांनी दोन नराधम भोंदू बाबांना अटक केली आहे.
पंकज देवराम घोलप आणि नाना बर्डे (रा. येडगाव) अशी अटक केलेल्या आरोपींची नावे आहेत. पीडितेच्या आईच्या आजारपणाचा फायदा घेत आरोपींनी अंगारा देऊन बरे करण्याचे आमिष दाखवले. या बहाण्याने पंकज घोलप याने पीडितेशी जवळीक साधून लग्नाचे आमिष दाखवले आणि जानेवारी ते डिसेंबर २०२५ दरम्यान तिच्यावर वारंवार अत्याचार केले. या शोषणातून पीडिता गर्भवती राहिली असता, आरोपीने लग्नास नकार देत तिला जीवे मारण्याची धमकी दिली.
फसवणूक झाल्याचे लक्षात येताच पीडितेने आळेफाटा पोलिस ठाण्यात तक्रार दाखल केली. पोलिसांनी आरोपींविरुद्ध भारतीय न्याय संहिता, पोक्सो आणि जादूटोणा प्रतिबंधक कायद्यान्वये गंभीर गुन्हे दाखल केले आहेत. याप्रकरणी आळेफाटा पोलिसांनी दोन्ही आरोपींना अटक केली असून त्यांना सोमवारपर्यंत पोलिस कोठडी सुनावण्यात आली आहे.
Web Summary : Two arrested in Junnar for repeatedly abusing a minor under the guise of healing her mother. The victim became pregnant, and the accused threatened her. Police have filed charges under relevant laws.
Web Summary : जुन्नर में एक नाबालिग लड़की के साथ उसकी मां को ठीक करने के बहाने बार-बार दुर्व्यवहार करने के आरोप में दो लोगों को गिरफ्तार किया गया। पीड़िता गर्भवती हो गई, और आरोपी ने उसे धमकी दी। पुलिस ने संबंधित कानूनों के तहत आरोप दायर किए हैं।