पुणे: कर्णकर्कश आवाज काढणारे सायलेन्सर बसवून ध्वनिप्रदूषण करणाऱ्या बुलेटस्वारांवर वाहतूक पोलिसांनी कारवाईचा बडगा उगारला. वाहतूक पोलिसांनी विशेष मोहीम राबवून फटाक्यांसारखे आवाज काढणाऱ्या सायलेन्सरचा वापर करणाऱ्या दोन हजार ८२२ वाहनचालकांवर कारवाई केली. यावेळी पोलिसांनी बुलेटला बसवलेले ९०० सायलेन्सर काढून टाकले. येरवड्यातील वाहतूक शाखेच्या मुख्य कार्यालयात बुधवारी ९०० सायलेन्सरवर बुलडोझर चालवण्यात आला. - तसेच वाहनचालकांवर २८ लाख १७ हजार रुपयांचा दंड ठोठावला आहे.
शहर परिसरात गेल्या काही महिन्यांपासून बुलेटला फटाक्यासारखा आवाज काढणारे सायलेन्सर बसवून कर्णकर्कश आवाज काढला जात असल्याच्या तक्रारी करण्यात आल्या होत्या. शाळा, महाविद्यालये, रुग्णालयांच्या परिसरात अशा प्रकारचे आवाज काढणाऱ्या बुलेटस्वारांमुळे नागरिक विशेषत: ज्येष्ठ नागरिकांना त्रास व्हायचा. वाहतूक पोलिसांकडे याबाबत तक्रारी करण्यात आल्या होत्या. त्यानंतर वाहतूक पोलिसांनी विशेष मोहीम राबवून कर्णकर्कश हाॅर्नचा वापर करणारे दुचाकीस्वार, तसेच फटाक्यासारखा आवाज काढणाऱ्या बुलेटस्वारांवर कारवाई केली,’ अशी माहिती अपर पोलिस आयुक्त मनोज पाटील यांनी दिली. यावेळी वाहतूक शाखेचे पोलिस उपायुक्त हिम्मत जाधव उपस्थित होते. सायलेन्सरमध्ये फेरफार करून देणाऱ्या गॅरेजचालकांविरोधातदेखील कारवाई केली जाणार आहे. अशा गॅरेजचालकांवर थेट गुन्हा दाखल करण्यात येणार असल्याचा इशारा वाहतूक पोलिसांनी दिला.
फटाक्यासारखा आवाज काढणाऱ्या सायलेन्सरचा, तसेच कर्कश हाॅर्नचा वापर करणाऱ्या दुचाकीस्वारांविरोधात यापुढील काळात नियमित कारवाई करण्यात येणार आहे. वाहनचालकांनी नियमांचे पालन करावे. - मनोज पाटील, अपर पोलिस आयुक्त
Web Summary : Pune police acted against noisy Bullet bikes, crushing 900 modified silencers with a bulldozer. Over 2,822 riders were fined ₹28 lakhs for noise pollution. Action will be taken against garages modifying silencers.
Web Summary : पुणे पुलिस ने शोर करने वाली बुलेट बाइक पर कार्रवाई की, 900 साइलेंसर बुलडोजर से कुचले। ध्वनि प्रदूषण के लिए 2,822 सवारों पर ₹28 लाख का जुर्माना लगाया गया। साइलेंसर बदलने वाले गैरेज पर कार्रवाई होगी।