ओडिशामधून एक धक्कादायक घटना समोर आली आहे. बरहमपूर शहरात भररस्त्यात एका तरुण जोडप्याला बांबूच्या काठ्यांनी बेदम मारहाण करण्यात आली. विशेष म्हणजे, भरचौकात सार्वजनिक ठिकाणी हा सगळा प्रकार सुरू असताना अनेक पादचारी आणि वाहनचालक मारहाण पाहत होते, यावेळी कोणीही त्यांच्या मदतीला गेले नाही.
या घटनेचा व्हिडीओ सोशल मीडियावर व्हायरल झाला आहे. या व्हिडिओमध्ये दोन तरुण त्या जोडप्यावर एकामागून एक काठ्यांनी सपासप वार करताना दिसत आहेत. दरम्यान, काही घाबरलेल्या प्रवाशांनी आणि पादचाऱ्यांनी मध्यस्थी करून हा हल्ला थांबवण्याचा प्रयत्न केला. भररस्त्यात झालेल्या या हिंसक हल्ल्यामुळे स्थानिक प्रवाशांमध्ये एकच खळबळ उडाली असून, शहरातील सार्वजनिक सुरक्षेबाबत गंभीर प्रश्न निर्माण झाले आहेत.
हल्ल्यात गंभीर जखमी झालेल्या या जोडप्याला तातडीने उपचारासाठी 'एमकेसीजी' वैद्यकीय महाविद्यालयात दाखल करण्यात आले आहे. डॉक्टरांनी दिलेल्या माहितीनुसार, उपचारानंतर सध्या दोघांचीही प्रकृती स्थिर आहे. दरम्यान, बरहमपूरमधील वैद्यनाथपूर पोलिसांनी याप्रकरणी गुन्हा दाखल केला असून पुढील तपास सुरू केला आहे.
पोलीस प्रशासनाने व्हायरल झालेला व्हिडीओ घेतला असून यावर तपास सुरू आहे. हल्लेखोरांची ओळख पटवून त्यांना लवकरात लवकर अटक करण्यासाठी सर्व आवश्यक पावले उचलली जात आहेत. या घटनेतील दोषींवर कडक कायदेशीर कारवाई केली जाईल, असे आश्वासन वरिष्ठ अधिकाऱ्यांनी दिले आहे.
जुन्या वादातून वाद झाल्याचा अंदाज
मिळालेल्या माहितीनुसार, हा हल्ला जुन्या वैमनस्यातून किंवा पूर्ववैमनस्यातून झाला असावा असा अंदाज वर्तवला जात आहे, मात्र पोलीस अद्याप सर्व बाजूंनी तपास करत आहेत. या घटनेमुळे स्थानिक नागरिकांमध्ये भीतीचे वातावरण पसरले असून, सार्वजनिक रस्त्यांवर सुरक्षा वाढवण्यासाठी कडक उपाययोजना करण्याची मागणी नागरिक करत आहेत.
भरगर्दीच्या ठिकाणी घडलेल्या या घटनेमुळे कायदा आणि सुव्यवस्थेवर प्रश्न उपस्थित होत आहेत. पोलीस प्रशासनाने नागरिकांना सतर्क राहण्याचे आणि कोणत्याही संशयास्पद हालचाली आढळल्यास त्वरित माहिती देण्याचे आवाहन केले आहे.
Web Summary : In Odisha's Berhampur, a couple was brutally beaten in public with bamboo sticks as bystanders watched. The injured couple is hospitalized, and police are investigating the assault, suspecting old rivalry. Authorities assure strict action against the perpetrators.
Web Summary : ओडिशा के बेरहामपुर में, सरेआम एक दंपति को बांस की छड़ियों से बेरहमी से पीटा गया और दर्शक देखते रहे। घायल दंपति अस्पताल में है, और पुलिस हमले की जांच कर रही है, पुराने विवाद का संदेह है। अधिकारियों ने अपराधियों के खिलाफ सख्त कार्रवाई का आश्वासन दिया है।