चिंचवड : महापालिकेच्या प्रभाग क्रमांक १७ मधील अनधिकृत घरांचा प्रश्न आणि त्या घरांना प्रॉपर्टी कार्ड मिळवून देण्याचा विषय माझ्या अखत्यारीतील असून, तो मीच सोडवू शकतो, असा विश्वास उपमुख्यमंत्री तथा पालकमंत्री अजित पवार यांनी व्यक्त केला. पिंपरी-चिंचवड येथील प्रचार सभेत ते बोलत होते. वाल्हेकरवाडी प्रभाग १७ मधील राष्ट्रवादीचे उमेदवार शेखर चिंचवडे, भाऊसाहेब भोईर, शोभा वाल्हेकर, मनीषा आडसूळ यांच्या प्रचारार्थ सभा झाली.
अजित पवार म्हणाले, हा विषय माझा आहे आणि उपमुख्यमंत्री तसेच जिल्ह्याचा पालकमंत्री म्हणून त्या प्रश्नाला न्याय देण्याची जबाबदारी माझीच आहे. प्रभाग १७ मधील नागरिकांना योग्य तो दिलासा मिळवून देण्यासाठी शासन स्तरावर आवश्यक ती पावले उचलली जातील.
भाऊसाहेब भोईर यांचे वडील स्व. सोपानराव भोईर पिंपरी-चिंचवड महापालिकेचे माजी महापौर होते. त्यांच्या कुटुंबाला महापालिका प्रशासनाचा मोठा अनुभव असून, त्याचा फायदा प्रभागातील विकासकामांना झाला आहे. रस्ते विकास, पाणीपुरवठा, ड्रेनेज व्यवस्था तसेच इतर मूलभूत नागरी सुविधांच्या बाबतीत आमच्या उमेदवारांनी सातत्याने आणि प्रभावीपणे काम केले आहे. स्थानिक पातळीवरील प्रश्न समजून घेऊन त्यावर उपाययोजना करणे ही लोकप्रतिनिधींची जबाबदारी आहे आणि आम्ही ती जबाबदारी चोखपणे पार पाडली आहे.
Web Summary : Ajit Pawar pledged to resolve unauthorized housing in Pimpri-Chinchwad's Ward 17, assuring property cards for residents. He highlighted his responsibility as Deputy Chief Minister and guardian minister, promising government-level action. Pawar praised the candidates' experience and commitment to local development, including infrastructure improvements.
Web Summary : अजित पवार ने पिंपरी-चिंचवड के वार्ड 17 में अनधिकृत आवास को हल करने का संकल्प लिया, निवासियों के लिए संपत्ति कार्ड का आश्वासन दिया। उन्होंने उपमुख्यमंत्री और पालक मंत्री के रूप में अपनी जिम्मेदारी पर प्रकाश डाला, सरकारी स्तर पर कार्रवाई का वादा किया। पवार ने उम्मीदवारों के अनुभव और बुनियादी ढांचे में सुधार सहित स्थानीय विकास के प्रति प्रतिबद्धता की प्रशंसा की।