Power Outage: उन्हाचा तडाखा आणि भोसरीत वारंवार वीज खंडित; नागरिकांचे हाल

Bhosari Power Outage: गेल्या अनेक दिवसांपासून या परिसरात वीजपुरवठा सुरळीत नसल्याची तक्रार नागरिकांकडून होत आहे.

भोसरी : परिसरात वाढत्या उन्हाच्या पार्श्वभूमीवर वारंवार खंडित होणाऱ्या वीजपुरवठ्यामुळे नागरिकांचे हाल होत आहेत. जयदीप पार्क येथील रोहित्र (ट्रान्सफॉर्मर) बिघाडामुळे खंडोबा माळ, जयदीप पार्क, दिघी रस्ता तसेच दिघीमधील आदर्शनगर या भागांमध्ये वारंवार वीजपुरवठा खंडित होत आहे.

गेल्या अनेक दिवसांपासून या परिसरात वीजपुरवठा सुरळीत नसल्याची तक्रार नागरिकांकडून होत आहे. कधी केबल नादुरुस्त होणे, तर कधी फिडरमध्ये बिघाड होणे, अशा कारणांमुळे दिवसातून अनेक वेळा वीज जयदीप पार्क येथील रोहित्र बिघाडामुळे खंडोबा माळ, दिघी रस्ता व आदर्शनगर परिसर अंधारात जात आहे. त्यामुळे उकाड्याच्या तीव्रतेत भर पडत आहे.

विशेष म्हणजे, वीजपुरवठा खंडित होण्याची वेळ निश्चित नसून कधी दिवसा तर कधी मध्यरात्रीही अचानक वीज जाते. दि. १५ एप्रिलच्या रात्रीदेखील अचानक वीज खंडित झाली होती. काही वेळानंतर वीजपुरवठा पूर्ववत झाला, मात्र लगेचच विद्युत दाब वाढल्याने पुन्हा खंडित झाली. या प्रकारामुळे घरगुती उपकरणांचे नुकसान होण्याची भीतीही व्यक्त केली आहे. महावितरणच्या ढिसाळ कारभाराबद्दल तीव्र नाराजी असून, तात्पुरत्या उपाययोजनांऐवजी कायमस्वरूपी तोडगा काढण्याची मागणी जोर धरत आहे.

तत्काळ उपाययोजना कराविशेषतः उन्हाळ्याच्या पार्श्वभूमीवर अखंडित वीजपुरवठा निश्चित करण्यासाठी तत्काळ उपाययोजना कराव्यात. तसेच देखभाल-दुरुस्तीच्या नावाखाली दर गुरुवारी तासन्तास खंडीत होणारा वीजपुरवठा बंद करावा, मागणी आहे.

जयदीप पार्क येथील रोहित्रात बिघाड झाल्याने नादुरुस्त झाला होता. बिघाड झालेले रोहित्र बदलून नवीन बसविण्याचे काम सुरू आहे. काम संपल्यावर वीज पूर्ववत सुरू करून समस्या सोडवली जाईल.  राजेश घोडे, सहायक अभियंता, महावितरण, भोसरी रात्री-बेरात्री कधीही वीज जाते. फोन केल्यावर पंधरा मिनिटात येईल, म्हणून सांगण्यात येते, मात्र तासभर येत नाही. उन्हाळ्यात वीज जाण्याचे प्रमाण वाढले असून, सकाळी पाणी येण्याच्या वेळेत सुद्धा वीज नसते.  - संतोष मुळे, खंडोबा माळ, भोसरी