Greta Electric Scooters : अडीच तासांत फुल चार्ज, १०० किमीची रेंज; लाँच झाली स्वस्त आणि मस्त इलेक्ट्रीक स्कूटर

Greta Electric Scooters : पाहा किती आहे किंमत आणि कोणते मिळतायत फीचर्स.

Greta Electric Scooters ने भारतीय बाजारात Greta Glide नावाची नवीन इलेक्ट्रीक स्कूटर लॉन्च केली आहे. या इलेक्ट्रीक स्कूटरची किंमत अन्य सामान्य स्कूटर्सप्रमाणेच आहे.

या स्कूटरची विशेष बाब म्हणजे विशेष म्हणजे फुल चार्ज केल्यावर 100 किमी पर्यंतची रेंज देते. कंपनीचा दावा आहे की ही इलेक्ट्रीक स्कूटर फास्ट चार्जिंग लिथियम-आयन बॅटरीद्वारे 2.5 तासांपेक्षा कमी वेळेत पूर्ण चार्ज होते.

कंपनीने या स्कूटरचे बुकिंग सुरू केले आहे. यासोबतच ग्राहक बाय-नाऊ ऑफरचाही लाभ घेऊ शकतात. ऑफर अंतर्गत, प्री-बुक केलेल्या स्कूटरवर 6,000 रुपयांची सूट आणि स्पॉट बुक केलेल्या स्कूटरवर 2,000 रुपयांची सूट दिली जात आहे.

ही स्कूटर यलो, ग्रे, ऑरेंज, स्कार्लेट रेड, रोज गोल्ड, कँडी व्हाइट आणि जेट ब्लॅक या सात रंगांच्या पर्यायांमध्ये उपलब्ध करून देण्यात आली आहे. याशिवाय कंपनी 3 वर्षांची बॅटरी वॉरंटीदेखील देत ​​आहे.

ग्रेटा ग्लाइड इलेक्ट्रीक स्कूटर बर्‍याच परफॉर्मन्स आणि सेफ्टी फीचर्ससह येते. फीचर्सच्या यादीमध्ये DRL, EBS, ATA सिस्टम आणि स्मार्ट शिफ्टचा समावेश आहे. स्कूटर रिव्हर्स ड्राइव्ह मोड आणि थ्री-स्पीड ड्राइव्ह मोडला देखील सपोर्ट करते. याशिवाय या स्कूटरमध्ये 3.5-इंचाचे रुंद ट्यूबलेस टायर देण्यात आले आहेत.

ग्रेटा ग्लाइडच्या इतर फीचर्समध्ये एलईडी डिजिटल इन्स्ट्रुमेंट क्लस्टर डिस्प्ले, कीलेस स्टार्ट, अँटी थेफ्ट अलार्म, फ्रंट ग्लोव्ह बॉक्स, लाईट डिझायनर कन्सोल आणि 'एक्स्ट्रा-लार्ज' लेग रूम यांचा समावेश आहे. याशिवाय फाइंड माय व्हेईकल अलार्म, ब्लॅक लेदरेट सीट कव्हर आणि यूएसबी पोर्ट देखील देण्यात आले आहेत. या स्कूटरची किंमत 80,000 रुपये निश्चित करण्यात आली आहे.