Tamilnadu Assembly Election 2026 : तामिळनाडूत विधानसभा निवडणुकीचे निकाल आज(दि.४) लागत आहेत. आतापर्यंत हाती आलेल्या निकालानुसार, सत्ताधारी DMK ला जोरदार धक्का बसल्याचे पाहायला मिळत आहे. पहिल्यांदाच निवडणुकीच्या रिंगणात उतरलेल्या तमिळ सुपरस्टार थलापती विजय यांच्या TVK पक्षाने १०० पेक्षा जास्त जागांवर आघाडी घेतली आहे.
दरम्यान, विजयचा राजकारणातील उदय हा केवळ त्यांच्या स्टारडमचा परिणाम नसून, मागील १५ वर्षांच्या सखोल आणि नियोजनबद्ध कामाचा परिणाम आहे. आपल्या फॅन क्लब्सना संघटित करून मजबूत राजकीय आधार तयार करण्याच्या रणनीतीमुळेच TVK ऐतिहासिक विजयाकडे वाटचाल करत आहे.
अनेक वर्षांची मेहनत...
सुपरस्टार विजय यांनी २०२४ मध्ये तमिळगा वेत्री कळगम (TVK) नावाच्या पक्षाची स्थापना केली. त्यानंतर विक्रवंडी येथे झालेल्या पहिल्या सभेत तब्बल ८ लाखांची गर्दी जमवली. सुरुवातीला ही गर्दी केवळ सुपरस्टारच्या लोकप्रियतेचा परिणाम मानली गेली, मात्र २०२६ च्या निवडणूक निकालांनी या आकलनाला पूर्णपणे खोटे ठरवले.
पित्याची भूमिका महत्त्वाची...
विजय यांनी आपल्या वडिलांच्या, म्हणजेच एस. ए. चंद्रशेखर यांच्या चित्रपटांमधून बालकलाकार म्हणून कारकीर्द सुरू केली. त्या चित्रपटांमध्ये रजनीकांत आणि विजयकांत यांसारखे मोठे कलाकार होते, ज्यामुळे विजय यांना लवकर ओळख मिळाली. कारकिर्दीच्या सुरुवातीच्या दोन वर्षांत त्यांनी १२ चित्रपट केले, त्यापैकी ६ चित्रपटांचे दिग्दर्शन त्यांच्या वडिलांनी केले होते. त्यांना ‘इलयाथलपती’ (यंग लीडर) हा किताब मिळाला, जो पुढे ‘थलपती’ म्हणून लोकप्रिय झाला.
दक्षिणेतील राजकारणात फॅन क्लब्सचे महत्त्व
तमिळनाडूमध्ये ‘रसिगर मंड्रम’ म्हणजेच फॅन क्लब्स ही संकल्पना १९६० पासून लोकप्रिय आहे. माजी मुख्यमंत्री एम. जी. रामचंद्रन यांनी फॅन क्लब्सच्या मदतीने राजकीय यश मिळवले होते. याच धर्तीवर चिरंजीवी, पवन कल्याण यांसारख्या कलाकारांनीही राजकारणात प्रवेश केला.
फॅन क्लब ते संघटन...
१९९० च्या दशकापासून विजय यांचे फॅन क्लब्स वाढू लागले. २००९ पर्यंत सुमारे ८५ हजार फॅन क्लब्सना एकत्र करून ‘ऑल इंडिया थलपती विजय मक्कल इयक्कम (VMI)’ ही संघटना तयार करण्यात आली. या संघटनेद्वारे रक्तदान शिबिरे, पूरग्रस्तांना मदत, विद्यार्थ्यांना मोफत शिक्षण, गरिबांना अन्न आणि कौशल्य विकास कार्यक्रम...अशा उपक्रमांमुळे विजय यांनी जनसंपर्क मजबूत केला.
राजकीय ताकदीची चाचणी
२०११ मध्ये VMI ने प्रथमच निवडणुकीत अप्रत्यक्ष सहभाग घेतला आणि AIADMK आघाडीला समर्थन दिले. त्यानंतर २०२१ मध्ये स्थानिक निवडणुकांमध्ये VMI समर्थित उमेदवारांनी १६९ जागांवर निवडणूक लढवली आणि त्यापैकी १२९ जागांवर विजय मिळवला.
फॅन क्लबचे राजकीय पक्षात रूपांतर
२०२४ मध्ये स्थापन झालेला TVK हा प्रत्यक्षात VMI चाच विस्तार आहे. जिल्हास्तरीय पदाधिकारी थेट पक्षात सामील झाले. २०२५ मध्ये बूथ स्तरावर संघटन उभारण्यात आले. अशाप्रकारे फॅन क्लब्सच्या मदतीने विजय तमिळनाडूच्या मुख्यमंत्रीपदाकडे वाटचाल करत आहेत.
Web Summary : Superstar Vijay's TVK party leads in Tamil Nadu elections, surpassing expectations. Built on 85,000 fan clubs, VMI transformed into a political force, securing over 100 seats. Strategic planning and extensive grassroots work fueled TVK's success, potentially leading Vijay to Chief Ministership.
Web Summary : सुपरस्टार विजय की TVK पार्टी तमिलनाडु चुनावों में उम्मीदों से बढ़कर प्रदर्शन कर रही है। 85,000 फैन क्लबों पर निर्मित, VMI एक राजनीतिक शक्ति में बदल गई, 100 से अधिक सीटें हासिल कीं। रणनीतिक योजना और व्यापक जमीनी कार्य ने TVK की सफलता को बढ़ावा दिया, जिससे विजय के मुख्यमंत्री बनने की संभावना है।