यंदाच्या IPL हंगामात परदेशी खेळाडूंसोबतच भारतीय खेळाडूही त्यांच्या गर्लफ्रेंड्ससोबत सामन्यांसाठी प्रवास करताना दिसत आहेत. गेल्या वर्षी BCCIने या संदर्भात परदेश दौऱ्यांसाठी कडक नियम लागू केले होते.
२०२४-२५च्या ऑस्ट्रेलिया दौऱ्यानंतर मंडळाने परदेश दौऱ्यांदरम्यान पत्नी आणि कुटुंबातील सदस्यांना दौऱ्यावर सोबत जाण्याबाबत काही नियम तयार केले होते. आयपीएलसाठी मात्र असे कोणतेही नियम नाहीत.
पण आता आयपीएलमध्ये खेळाडूंसाठी अशीच नियमावली बनवली जाण्याची शक्यता आहे. 'दैनिक जागरण'च्या वृत्तानुसार, एका अहवालात म्हटले आहे की बीसीसीआय पुढील बैठकीत यावर चर्चा करणार आहे.
IPL मध्ये खेळाडूंच्या प्रवासाची व्यवस्था करण्याची जबाबदारी संघ मालकांची असते. त्यामुळे BCCIने या संदर्भात कोणतेही आदेश किंवा नियम जारी केलेले नाहीत. पण हे 'गर्लफ्रेंड कल्चर' BCCI ला अमान्य आहे.
भारतीय क्रिकेटपटू आयपीएल सामन्यांदरम्यान त्यांच्या गर्लफ्रेंड्ससोबत प्रवास करतात आणि अनेकदा हॉटेल्समध्ये एकत्र राहतात. बीसीसीआय लवकरच या संदर्भात मार्गदर्शक तत्त्वे जारी करू शकते.
भ्रष्टाचाराशी संबंधित प्रकरणे टाळण्यासाठी हा निर्णय घेतला जाऊ शकतो असे सध्यातरी सांगण्यात येत आहे. काही क्रिकेटपटूंच्या गर्लफ्रेंड्स बेटिंग ॲप्ससाठी काम करतात, असे अहवाल सांगतात.
BCCI साठी सध्या चिंता वाढली आहे. पुढील आयपीएल हंगामापूर्वी, खेळाडूंची राहण्याची व्यवस्था, दोन सामन्यांमधला प्रवास आणि त्यांच्या गर्लफ्रेंड्ससोबतच्या प्रवासासंदर्भात काही नियम तयार केले जाऊ शकतात.
BCCIने नियम करण्याचा विचार केल्याने चार भारतीय खेळाडूंबाबत चर्चा रंगली आहे. कारण हार्दिक पांड्या-माहिका शर्मा आणि अर्शदीप सिंग-समरीन कौरसोबत हे टीम बसमध्ये एकत्र प्रवास करताना दिसले आहेत.
याशिवाय राजस्थान रॉयल्सचा सलामीवीर यशस्वी जैस्वाल आणि त्याची गर्लफ्रेंड मॅडी हॅमिल्टन हेदेखील एकत्र दिसले आहेत. तर इशान किशन देखील त्याची गर्लफ्रेंड अदिती हुंडियासोबत प्रवास करताना दिसला होता.