उत्तर प्रदेशातील मुझफ्फरनगरमध्ये एक हृदयद्रावक घटना घडली आहे. शाळेच्या व्हॅनने धडक दिल्याने अडीच वर्षांच्या चिमुकल्याचा मृत्यू झाला. बुढाना पोलीस स्टेशन हद्दीतील उमरपूर गावात ही धक्कादायक घटना घडली. या घटनेचे सीसीटीव्ही फुटेज सोशल मीडियावर व्हायरल होत आहे.
ग्रीन पब्लिक स्कूलची व्हॅन नेहमीप्रमाणे लहान मुलांना घेण्यासाठी गावात आली तेव्हा हा दुर्दैवी अपघात झाला. याच दरम्यान रस्त्यावर खेळणारा अडीच वर्षांचा केशव अचानक व्हॅनसमोर आला, जे चालकाच्या लक्षात आलं नाही. स्कूल व्हॅनने चिरडल्याने केशव गंभीर जखमी झाला. त्याला गंभीर अवस्थेत रुग्णालयात दाखल करण्यात आलं, जिथे उपचारादरम्यान त्याचा मृत्यू झाला.
घटनेनंतर, पोलिसांनी घटनास्थळी पोहोचून स्कूल व्हॅन जप्त केली आणि चालकाला अटक केली. पोस्टमॉर्टेमनंतर संध्याकाळी लहान मुलाचा मृतदेह घरी पोहोचला तेव्हा कुटुंबाला मोठा धक्का बसला.
घटनेची माहिती देताना, बुढानी पोलीस आयुक्त गजेंद्र पाल सिंह यांनी सांगितलं की, बुढाना पोलीस ठाण्याअंतर्गत येणाऱ्या उमरपूर गावातील ग्रीन पब्लिक स्कूलची एक स्कूल व्हॅन मुलांना घेण्यासाठी गेली होती. अडीच वर्षांचा मुलगा व्हॅनने धडकून मृत्युमुखी पडला. व्हॅन चालकाला अटक करण्यात आली आहे आणि पुढील तपास सुरू आहे.
Web Summary : A two-and-a-half-year-old boy died in Muzaffarnagar, Uttar Pradesh, after being hit by a school van. The child, Keshav, was playing when the accident occurred. Police have arrested the driver and seized the van, investigating the incident.
Web Summary : उत्तर प्रदेश के मुजफ्फरनगर में एक ढाई साल के बच्चे की स्कूल वैन से टक्कर लगने से मौत हो गई। केशव नामक बच्चा खेल रहा था तभी यह दुर्घटना हुई। पुलिस ने ड्राइवर को गिरफ्तार कर वैन को जब्त कर लिया है और मामले की जांच कर रही है।