Election Results 2026: केरळमध्ये काँग्रेस सुसाट, भाजपाचीही सात जागांवर आघाडी

Kerala election Results 2026: केरळ विधानसभा निवडणुकीच्या मतमोजणीला सुरूवात झाल्यानंतर सुरुवातीच्या कलांमध्ये काँग्रेसने सत्ताधारी आघाडीला मागे टाकत घौडदौड सुरू केली आहे. 

Kerala Election Results 2026 Update: केरळमध्ये होत असलेल्या विधानसभा निवडणुकीच्या मतमोजणीला सकाळी आठ वाजता सुरूवात झाली. काँग्रेसच्या नेतृत्वाखालील संयुक्त लोकशाही आघाडी आणि सलग दहा वर्षांपासून सत्तेत असलेल्या डाव्या लोकशाही आघाडी यांच्यात थेट लढत होत असून, सुरुवातीच्या कलांमध्ये काँग्रेसच्या आघाडीने जास्त जागांवर आघाडी घेतली आहे. भाजपाही सात जागांवर आघाडीवर आहे. 

केरळमध्ये १४० जागांसाठी निवडणूक होत आहे. १४० जागांसाठी ८८३ उमेदवार निवडणुकीच्या रिंगणात असून, ४३ ठिकाणी असलेल्या १४० केंद्रांवर मतमोजणी सुरू आहे. मतमोजणी सुरू झाल्यानंतर सुरुवातीच्या कलांमध्ये काँग्रेस प्रणित आघाडी पुढे आहे. 

नऊ वाजेपर्यंत ३२ जागांचे कल समोर आले. यात काँग्रेसच्या नेतृत्वाखालील संयुक्त लोकशाही आघाडीने १८ जागांवर आघाडी घेतली. तर सत्ताधारी डावी लोकशाही आघाडी ६ जागांवर पुढे आहे. तर १ जागेवर अपक्ष उमेदवाराने आघाडी घेतली आहे. 

१९६० असं पहिल्यांदाच होणार

डाव्या लोकशाही आघाडीचा पराभव झाला, तर यामुळे राजकीय इतिहासात नवी नोंद होणार आहे. १९६० नंतर पहिल्यांदाच असं होईल की डावी लोकशाही आघाडी देशातील कोणत्याही राज्यात सत्तेत नसेल. 

दुसरीकडे मागील काही वर्षांपासून केरळात पाय रोवू इच्छिणाऱ्या भाजपाने यावेळी बरीच ताकद लावली आहे. २०२१ मध्ये झालेल्या विधानसभा निवडणुकीत भाजपाला एकही जागा मिळाली नव्हती. मात्र, यावेळी भाजपाने आपला मत टक्का आणि वाढवण्याचा प्रयत्न केला आहे. सुरूवातीच्या कलांमध्ये भाजपासाठी चांगली बातमी दिसत आहे.