पश्चिम बंगाल विधानसभा निवडणुकीच्या निकालांनंतर बंगालमधील राजकीय वातावरण पुन्हा एकदा तापले आहे. मध्य कोलकात्यातील ऐतिहासिक हॉग मार्केट (न्यू मार्केट) परिसरात मंगळवारी रात्री तृणमूल काँग्रेसच्या (TMC) युनियन कार्यालयावर बुलडोझर चालवण्यात आल्याने खळबळ उडाली आहे. या घटनेचे व्हिडिओ सोशल मीडियावर व्हायरल झाल्यानंतर परिसरात दहशतीचे वातावरण निर्माण झाले आहे.
तृणमूल काँग्रेसच्या नेत्या महुआ मोइत्रा आणि डेरेक ओब्रायन यांनी या घटनेचा व्हिडिओ शेअर करत भाजपवर निशाणा साधला आहे. "कोलकात्याच्या ऐतिहासिक न्यू मार्केटमध्ये भाजपचे 'परिवर्तन' बुलडोझरसह आले आहे," असा टोला मोइत्रा यांनी लगावला. डेरेक ओब्रायन यांनी असा दावा केला की, पोलिसांच्या उपस्थितीत आणि केंद्रीय दलांच्या देखरेखीखाली ही तोडफोड करण्यात आली. विजयाचा जल्लोष साजरा करण्यासाठी मांसाच्या दुकानांना लक्ष्य केले जात असल्याचा आरोपही त्यांनी केला.
स्थानिकांचा वेगळाच दावा; अनधिकृत बांधकामाचा पेचएकीकडे राजकीय आरोप होत असताना, स्थानिक रहिवासी आणि काही व्यापाऱ्यांनी मात्र टीएमसीचे दावे फेटाळून लावले आहेत. स्थानिकांच्या मते, ज्या वास्तूवर बुलडोझर चालवण्यात आला, ती मुळात एका दुकानदाराकडून बळकावलेली जागा होती आणि तिथे अनधिकृतपणे युनियनचे कार्यालय थाटण्यात आले होते. ज्याला 'मांसाचे दुकान' म्हटले जात आहे, ती जागा प्रत्यक्षात तशी नव्हती, असेही स्थानिकांचे म्हणणे आहे.
निवडणूक आयोगाचा 'झिरो टॉलरेंस'चा आदेशघटनेचे गांभीर्य ओळखून निवडणूक आयोगाने कडक पावले उचलली आहेत. मुख्य निवडणूक आयुक्त ज्ञानेश कुमार यांनी राज्याचे मुख्य सचिव आणि पोलीस महासंचालकांना निवडणूक पश्चात हिंसाचाराबाबत 'झिरो टॉलरेंस' धोरण राबवण्याचे आदेश दिले आहेत. हिंसाचार भडकवणाऱ्यांना तात्काळ अटक करण्याचे निर्देश देण्यात आले असून, न्यू मार्केट परिसरात पोलिसांची गस्त वाढवण्यात आली आहे.
Web Summary : Post-election violence in West Bengal escalated as a TMC office in Kolkata's Hog Market was bulldozed. While TMC leaders blame BJP, locals claim it was an unauthorized structure. Election Commission orders zero tolerance against violence.
Web Summary : पश्चिम बंगाल में चुनाव के बाद हिंसा भड़क गई, कोलकाता के हॉग मार्केट में टीएमसी कार्यालय को ध्वस्त कर दिया गया। टीएमसी नेताओं ने बीजेपी पर आरोप लगाया, जबकि स्थानीय लोगों का दावा है कि यह एक अनधिकृत निर्माण था। चुनाव आयोग ने हिंसा के खिलाफ जीरो टॉलरेंस का आदेश दिया।