Thalapthy Vijay driver son wins, Tamilnadu Assembly Election 2026: तामिळनाडूमध्ये बदलाचे वारे वाहिले आणि अभिनेता थलपती विजय जोसेफचा पक्ष तामिळनाडू वेत्री कळघम (TVK) याने तामिळनाडू विधानसभा निवडणुकीत मोठा विजय मिळवला. २३४ पैकी १०४ जागांवर TVKने आघाडी घेत मोठी मुसंडी मारली. तामिळनाडूमध्ये विजयच्या TVK पक्षाची सत्ता येणार हे आता जवळपास निश्चित आहे. या प्रचंड विजयाच्या पार्श्वभूमीवर, एका व्यक्तीचा विजय जास्त चर्चेत आला आहे. थलपती विजयचा दीर्घकाळ ड्रायव्हर असलेले राजेंद्रन यांचा मुलगा सबरीनाथन आर थेट आमदार झाला. त्याला विधानसभा निवडणुकीचे तिकीट दिले होते. विजयने त्याच्या उमेदवारी अर्ज भरण्याच्या दिवशी मंचावर विरुगमपक्कम मतदारसंघातून सबरीनाथनला तिकीट दिले होते. तिकीट वाटपाच्या वेळी शबरीनाथन रडत असल्याचा एक व्हिडिओ सोशल मीडियावर व्हायरल झाला होता. मतमोजणीच्या दिवशी त्या शबरीनाथनचे काय झाले? याची चर्चा रंगली होती. त्याचा अखेर निकाल आला असून सबरीनाथनने विजय मिळवल्याचे स्पष्ट झाले.
विजयचा ड्रायव्हर राजेंद्रन यांचा मुलगा सबरीनाथन विरुगमपक्कम मतदारसंघातून निवडणूक लढवत होता. सध्या तो त्याच्या मतदारसंघात १४,००० हून अधिक मतांनी आघाडीवर आहे, त्यामुळे त्याचा विजय निश्चित मानला जात आहे. सबरीनाथनने विजयच्या अपेक्षा पूर्ण केल्या. विजयने त्याच्यावर ठेवलेला विश्वास त्याने सार्थ ठरवला. विजय स्वतः पेरांबूर आणि तिरुची पूर्व या दोन्ही ठिकाणी आघाडीवर आहे. AIDMKचे सरचिटणीस एडप्पाडी के. पलानीस्वामी यांनी एडप्पाडीमध्ये आपली मजबूत आघाडी कायम ठेवली. दरम्यान, DMK अध्यक्ष एम. के. स्टॅलिन कोलाथूरमध्ये पराभूत ठरले. ते २०११ पासून या मतदारसंघात प्रतिनिधित्व करत होते.
तिकीट दिले, त्या दिवशी काय घडले?
विरुगमपक्कममधून सबरीनाथनला पक्षाचा उमेदवार म्हणून घोषित करताच, तो मंचावरच रडू लागला होता. तो लगेच विजयकडे धावत गेला होता आणि त्याला मिठी मारली होती व मग त्याच्या पाया पडला होता. या प्रसंगी स्वत: ड्रायव्हर राजेंद्रनदेखील भावनिक झाले होते. विजयने यावेळी त्यांचे आनंदाश्रू पुसले होते. या संवादाचे व्हिडिओ ऑनलाइन व्हायरल होत झाले होते. समर्थकांनी याला त्यांच्या निष्ठेचा आणि दीर्घकाळच्या वैयक्तिक संबंधांची पावती म्हटले होते.
पहिल्या चित्रपटापासून विजयसोबत...
राजेंद्रन हे तीन दशकांहून अधिक काळ विजयसोबत आहेत. सुरुवातीला ते त्यांचे ड्रायव्हर म्हणून आणि नंतर त्यांचे स्वीय्य सहाय्यक (PA) म्हणून काम करत होते. विजयच्या फॅन नेटवर्कशी संबंधित स्थानिक कल्याणकारी उपक्रमांमध्ये सक्रिय असलेल्या सबरीनाथन याची गेल्या वर्षी विरुगंबक्कमचे जिल्हा सचिव म्हणून नियुक्ती करण्यात आली होती. निवडणुकीचे तिकीट मिळण्यापूर्वी तो संघटनेत हळूहळू वरच्या पदावर पोहोचला होता.
Web Summary : Thalapathy Vijay's party TVK won big in Tamil Nadu elections. Notably, his driver's son, Sabarinathan, became an MLA from Virugambakkam. Sabarinathan, overwhelmed when Vijay granted him the ticket, secured a victory, fulfilling Vijay's trust. He was ahead by 14,000 votes.
Web Summary : थलपति विजय की पार्टी टीवीके ने तमिलनाडु चुनाव में बड़ी जीत हासिल की। खास बात यह है कि उनके ड्राइवर के बेटे सबरीनाथन विरुगमबक्कम से विधायक बने। टिकट मिलने पर भावुक हुए सबरीनाथन ने विजय का भरोसा कायम रखते हुए जीत हासिल की। वह 14,000 वोटों से आगे थे।