नंदूरबार: धुळे-सूरत राष्ट्रीय महामार्गावर कोंडाईबारी घाटात भीषण अपघात झाला. जळगावहून सूरतकडे जाणारी खासगी बस कोंडाईबारी घाटातील दर्ग्याजवळील पुलावरून ४० फूट खोल दरीत कोसळली. या अपघातात ५ जणांचा मृत्यू झाला असून ३५ प्रवासी गंभीर जखमी झाले आहेत. दुर्घटनेतील मृतांचा आकडा वाढण्याची शक्यता वर्तवण्यात येत आहे. जखमींवर विसरवडी, नवापूर व नंदुरबारमधल्या रुग्णालयांत उपचार सुरू आहेत. मध्यरात्री २ च्या सुमारास हा अपघात झाला.
अपघाताची माहिती मिळताच पोलीस घटनास्थळी दाखल झाले. त्यानंतर मदतकार्याला सुरुवात झाली. पोलिसांनी घटनास्थळावरून ५ मृतदेह ताब्यात घेतले असून त्यांची ओळख पटवण्याचं काम सध्या सुरू आहे. हा अपघात कसा झाला याचा पोलीस शोध घेत आहेत. अपघात झाला त्यावेळी बसमध्ये ४० प्रवासी होते.
{{#config.logo.enabled}}
{{/allowed}}