नागपूर : मुलीशी मैत्रीवरून झालेल्या वादात महाविद्यालयातील विद्यार्थ्यांनी त्यांच्याच एका सहकाऱ्याची हत्या केली. मृत व आरोपी हे अभियांत्रिकीचे विद्यार्थी असल्याची माहिती समोर आली आहे. पारडी पोलिस ठाण्याच्या हद्दीतील एचबी टाउन परिसरात ही घटना घडली असून यामुळे खळबळ उडाली आहे.
नूर नवाज हुसेन (२२, सुभाननगर) असे मृताचे नाव आहे; तर हर्षल व के. बिसेन हे आरोपी आहेत. नूर आणि आरोपींमध्ये एका मुलीशी झालेल्या मैत्रीवरून वाद सुरू होता. त्यांच्यातील भांडण विकोपाला गेले होते. आरोपींनी समेट घडवून आणण्याच्या बहाण्याने शुक्रवारी रात्री १० वाजता नूरला एचबी टाऊन परिसरात बोलविले.
तेथे त्यांच्यात बोलणे सुरू झाले व काही वेळातच वाद पेटला. आरोपींनी शिवीगाळ करत नूरला घेरले व त्याला चाकूने भोसकले. यात नूर गंभीर जखमी झाला; तर आरोपी तेथून फरार झाले. या प्रकारामुळे घटनास्थळावर खळबळ उडाली. लोकांनी पोलिसांना माहिती दिली. पोलिस घटनास्थळी पोहोचले व नूरला तातडीने मेयो इस्पितळात नेण्यात आले. मात्र डॉक्टरांनी त्याला मृत घोषित केले. पोलिसांनी तातडीने शोधमोहीम राबवत बिसेनला ताब्यात घेतले. इतर आरोपींचादेखील शोध सुरू आहे. पोलिस सूत्रांनी दिलेल्या माहितीनुसार मृत व आरोपी हे शहरातील नामांकित महाविद्यालयातील विद्यार्थी होते. त्यांच्यात सुरुवातीला चांगले संबंध होते; परंतु एका मुलीच्या मैत्रीवरून त्यात वितुष्ट आले होते.
Web Summary : Nagpur: A college student was murdered by peers over a friendship with a girl. The victim, Noor, was stabbed after a dispute escalated. Police have arrested one suspect, Bisen, and are searching for others. All involved were engineering students.
Web Summary : नागपुर: एक लड़की से दोस्ती के विवाद में कॉलेज के छात्रों ने एक सहपाठी की हत्या कर दी। मृतक नूर पर झगड़ा बढ़ने के बाद चाकू से हमला किया गया। पुलिस ने एक संदिग्ध बिसेन को गिरफ्तार किया है, और अन्य की तलाश जारी है। सभी इंजीनियरिंग के छात्र थे।