महाराष्ट्र राज्य रस्ते विकास महामंडळाने मुंबईनाशिकमहामार्गावर माजिवडा ते वडपे रस्त्याच्या रुंदीकरणाचे काम हाती घेतले आहे. या कामासाठी आजपासून येत्या ९ एप्रिलपर्यंत म्हणेजच जवळपास चार महिने खारेगाव भुयारी मार्ग वाहतुकीसाठी पूर्णपणे बंद ठेवण्यात येणार आहे. त्यामुळे वाहतुकीत मोठा बदल करण्यात आला आहे. या मार्गावरील वाहतूक आता वळवण्यात आल्यामुळे मुख्य महामार्गावरील इतर मार्गांवर ताण वाढून वाहतूक संथ होण्याची शक्यता आहे.
मुंबई-नाशिक महामार्गावरील ठाणे ते भिवंडी बायपास मार्गाचे रुंदीकरण वेगाने सुरू आहे आणि हे काम मार्चपर्यंत पूर्ण करण्याचा प्रयत्न असणार आहे. माजिवडा ते वडपे दरम्यान रस्ता अरुंद असल्यामुळे येथे सतत वाहतूक कोंडी होते. ही कोंडी थांबवण्यासाठी आणि प्रवासाला गती देण्यासाठी महाराष्ट्र राज्य रस्ते विकास महामंडळाने रस्ता रुंदीकरणाचे काम हाती घेतले. सध्या मुंबई, ठाणे, भिवंडी, कळवा, कल्याण आणि नवी मुंबईच्या दिशेने लाखो वाहने या मार्गाचा वापर करतात.
वाहतुकीत बदल, पर्यायी मार्गे कोणते?
१) मुंबई- नाशिक महामार्गावरील खारेगाव भुयारी मार्गात काही कालावधीसाठी वाहतूक बदल करण्यात आले. खारेगावच्या दिशेने जाणाऱ्या वाहनांना खारेगाव भुयारी मार्गात प्रवेशबंदी राहील. या वाहनांनी टोलनाका, गॅमन रोड, पारसिक चौक मार्गे किंवा साकेत येथून खाडी पूल मार्गे पुढे जावे.
२) मुंबई- नाशिक महामार्गावरून भिवंडी किंवा ठाण्याच्या दिशेने जाणाऱ्या वाहनांनाही खारेगाव भुयारी मार्गात प्रवेशबंदी असेल. भिवंडीच्या दिशेने जाणारी वाहने खारेगाव, पारसिक चौक, गॅमन रोड मार्गे जातील. तर, ठाण्याच्या दिशेने जाणारी वाहने कळवा खाडी पूल मार्गे पुढे जातील.
Web Summary : The Kharegaon tunnel on the Mumbai-Nashik Highway will be closed for four months starting today for road widening. Traffic will be diverted, potentially causing congestion. The Thane-Bhiwandi bypass widening aims to ease traffic, with alternative routes provided via Gammon Road, Parsik Chowk, and Kalwa Creek Bridge.
Web Summary : मुंबई-नासिक राजमार्ग पर खारेगांव सुरंग सड़क चौड़ीकरण के लिए आज से चार महीने के लिए बंद रहेगी। यातायात को परिवर्तित किया जाएगा, जिससे संभावित रूप से भीड़भाड़ हो सकती है। ठाणे-भिवंडी बाईपास चौड़ीकरण का उद्देश्य यातायात को कम करना है, जिसके लिए गामन रोड, पारसिक चौक और कलवा क्रीक ब्रिज के माध्यम से वैकल्पिक मार्ग प्रदान किए गए हैं।