कळमनुरी येथील एकनाथ शिंदे शिवसेनेचे आमदार संतोष बांगर यांच्याकडून मतदान गोपनियतेचा भंग झाला आहे. मतदानाचा हक्क बजावत असताना ईव्हीएम मशीनवर मतदान करत असलेल्या महिलेला मतदान कुठे करायचे बांगर यांनी सांगितल्याचा व्हिडीओ समोर येत आहे.
मतदान केंद्रात बांगर मतदानासाठी आले होते. त्यांच्या पुढे दोन महिला होत्या. मतदान केंद्रातच बांगर यांनी फोनवर बोलणे सुरु ठेवले होते. यानंतर पुढे शाई लावत मतदानाची प्रक्रिया पार पाडत असताना पुढे असलेल्या महिलेला ईव्हीएम मशीनवर डोकावून इथे मतदान कर, तिकडचे ते बटन दाब असे हात दाखवत सांगत असल्याचा व्हिडीओ समोर आला आहे. यामुळे मोठी खळबळ उडाली असून एक तरुण कार्यकर्ता बांगर यांच्या खिशात मोबाईल कॅमेरा सुरु करून ठेवत असल्याचेही यात दिसत आहे.
या प्रकरणी बांगर यांच्यावर हिंगोली शहर पोलिसांत गुन्हा दाखल करण्यात आला आहे. मतदान केंद्र क्रमांक ३ येथे हा प्रकार घडला आहे. यानंतर बांगर यांनी स्वर्गीय बाळासाहेब ठाकरेंचा विजय असो आणि एकनाथ शिंदे आगे बढ़ो हम तुम्हारे साथ हैं च्या घोषणा दिल्या. या सर्वच गोष्टी या गोपनियतेचा भंग करणाऱ्या असल्याने बांगर यांच्यावर ही कारवाई करण्यात आली आहे.
Web Summary : MLA Santosh Bangar allegedly violated voting secrecy by instructing a woman at a polling booth. A video shows him directing her on the EVM. A police case has been filed in Hingoli city. The incident occurred at polling booth number 3.
Web Summary : विधायक संतोष बांगर पर मतदान केंद्र पर एक महिला को निर्देश देकर मतदान गोपनीयता का उल्लंघन करने का आरोप है। एक वीडियो में उन्हें ईवीएम पर मार्गदर्शन करते हुए दिखाया गया है। हिंगोली शहर में पुलिस मामला दर्ज किया गया है। घटना मतदान केंद्र संख्या 3 पर हुई।