मुंबई - संसदेत २०२३ साली मंजूर झालेल्या महिला आरक्षण विधेयकानुसार ३३ टक्के आरक्षण तत्काळ लागू करा. मात्र, मतदारसंघ पुनर्रचना थांबवा, अशी मागणी उद्धवसेनेचे पक्षप्रमुख उद्धव ठाकरे यांनी केली.
नारी शक्ती वंदन अधिनियम व मतदारसंघ पुनर्रचना या दोन महत्त्वाच्या विधेयकांसाठी केंद्र सरकारने तीन दिवसांचे विशेष अधिवेशन बोलावले आहे. या पार्श्वभूमीवर दिल्लीत झालेल्या विरोधी पक्षांच्या बैठकीला ठाकरेंनी ऑनलाइन उपस्थिती लावली. त्यानंतर त्यांनी निवेदनाद्वारे पक्षाची भूमिका जाहीर केली आहे. शिवसेनेची भूमिका स्पष्ट आहे. संसदेत २०२३ साली महिला आरक्षण विधेयक मंजूर झाले. त्यानुसार ३३ टक्के महिला आरक्षण तत्काळ लागू करा.
मात्र, मतदारसंघ पुनर्रचना विषयाला तूर्तास ब्रेक लागला पाहिजे. हा व्यापक आणि राष्ट्रीय एकात्मतेसाठी महत्त्वाचा मुद्दा आहे. आमच्यासाठी हा एखाद्या पक्षाच्या राजकीयभविष्याचा विषय नाही; तर देशाच्या भविष्याचा विषय आहे. त्यामुळे त्यावर अधिक चर्चा व संशोधन होणे आवश्यक असल्याचे ठाकरे यांनी निवेदनात म्हटले आहे.
Web Summary : Uddhav Thackeray demands immediate implementation of 33% women's reservation based on the 2023 bill. He urges a temporary halt to constituency delimitation, emphasizing national unity and the need for deeper discussion on the matter.
Web Summary : उद्धव ठाकरे ने 2023 के विधेयक के आधार पर 33% महिला आरक्षण को तुरंत लागू करने की मांग की। उन्होंने राष्ट्रीय एकता पर जोर देते हुए निर्वाचन क्षेत्र परिसीमन पर अस्थायी रोक लगाने और इस मामले पर गहन चर्चा की आवश्यकता पर बल दिया।