पाकिस्तानच्या खैबर पख्तूनख्वा प्रांतातील हरिपूर जिल्ह्यात गुरुवारी एका औद्योगिक वसाहतीत भीषण स्फोट झाल्याची धक्कादायक घटना घडली. हत्तार इंडस्ट्रियल इस्टेटमधील ग्रँड ट्रंक रोडजवळ असलेल्या एका कारखान्यात हा स्फोट झाला. या दुर्घटनेत आतापर्यंत ८ जणांचा मृत्यू झाला असून अनेक जण गंभीररीत्या जखमी झाले आहेत.
मिळालेल्या माहितीनुसार, हा स्फोट इतका शक्तिशाली होता की, त्यामुळे परिसरात काही क्षणांतच भीषण आग भडकली. ही आग वेगाने पसरल्यामुळे कारखान्या शेजारी असलेल्या एका घरालाही आगीने कवेत घेतले, ज्यामुळे मालमत्तेचे मोठे नुकसान झाले. स्फोटाचा आवाज इतका तीव्र होता की तो परिसरातील अनेक किलोमीटरपर्यंत ऐकू आला.
पाकिस्तानच्या 'रेस्क्यू ११२२' या आपत्कालीन सेवा दलाने ८ जणांच्या मृत्युची पुष्टी केली आहे. हरिपूरचे उपायुक्त वसीम अहमद यांनी दिलेल्या माहितीनुसार, बहुतांश मृत्यू हे आगीमुळे झालेल्या धुरामुळे दम गुदमरल्याने झाले आहेत. जिल्हा पोलीस अधिकाऱ्यांनी सांगितले की, मदतकार्य राबवून आतापर्यंत किमान ४ महिला आणि ६ मुलांना सुखरूप बाहेर काढण्यात यश आले आहे. मात्र, अनेक महिला आणि मुले या आगीत गंभीररीत्या भाजली असून त्यांच्यावर स्थानिक रुग्णालयात उपचार सुरू आहेत.
स्फोटाचे कारण अस्पष्ट
हा स्फोट गॅस पाइपलाइनमुळे झाल्याचा प्राथमिक अंदाज व्यक्त केला जात असला, तरी स्फोटाचे नेमके कारण अद्याप स्पष्ट झालेले नाही. सध्या घटनास्थळी बचावकार्य युद्धपातळीवर सुरू असून मृतांचा आकडा वाढण्याची भीती व्यक्त केली जात आहे. पोलीस आणि स्थानिक प्रशासन या प्रकरणाचा अधिक तपास करत आहेत.
Web Summary : A powerful explosion in Khyber Pakhtunkhwa's Haripur district killed eight and injured many. The blast, followed by a fire, engulfed a factory and nearby house. Rescue operations are underway, though the cause is still unknown.
Web Summary : खैबर पख्तूनख्वा के हरिपुर जिले में एक शक्तिशाली विस्फोट में आठ लोगों की मौत हो गई और कई घायल हो गए। विस्फोट के बाद आग लग गई, जिसने एक कारखाने और पास के घर को अपनी चपेट में ले लिया। बचाव कार्य जारी है, हालांकि कारण अभी भी अज्ञात है।