Latest Marathi News

लोकमत न्यूज नेटवर्कनागपूर : शहर पोलीस दलातील दोन पोलीस उपायुक्तांच्या बदल्या झाल्या असून शहराला तीन नवीन उपायुक्त मिळाले आहेत. वाहतूक पोलीस उपायुक्त लोहीत मतानी यांची अचानक महामार्ग सुरक्षा अधीक्षकपदी बदली झाली आहे. तर परिमंडळ दोनचे उपायुक्त नित्यानंद झा यांच्याकडे यवतमाळ अधीक्षकपदाची जबाबदारी देण्यात आली आहे.नागपूर शहरातील विविध संवेदनशील प्रकरणांमध्ये सक्रिय भूमिका बजावणारे तसेच वाहतूक विभागात अनेक बदल घडवून आणणारे अधिकारी म्हणून ओळख असलेल्या मतानी यांची महामार्ग सुरक्षा अधीक्षकपदी बदली करण्यात आली आहे. महामार्गांवरील वाढते अपघात, वाहतूक शिस्त आणि गुन्हेगारी रोखण्याच्या दृष्टीने त्यांच्या नियुक्तीकडे महत्त्वपूर्ण निर्णय म्हणून पाहिले जात आहे. तर महामार्ग सुरक्षा विभागातील उपायुक्त यशवंत सोळंखे यांची अंमली पदार्थ विरोधी पथकाच्या अपर पोलीस अधीक्षकपदी बदली करण्यात आली आहे. राज्यभरात वाढत्या ड्रग्ज नेटवर्कविरोधात पोलिसांनी मोहीम तीव्र केली असताना सोळंखे यांच्याकडे ही जबाबदारी देण्यात आली आहे. परिमंडळ तीनचे उपायुक्त राहुल मदने यांना वर्षभराची मुदतवाढ देण्यात आली आहे. संवेदनशील प्रकरणांतील समन्वय, कायदा व सुव्यवस्था नियंत्रण आणि विविध विशेष मोहिमांमधील त्यांच्या कामगिरीची दखल घेत शासनाने हा निर्णय घेतल्याचे बोलले जात आहे.यवतमाळचे विद्यमान पोलीस अधीक्षक कुमार चिंता यांची नागपुरात उपायुक्तपदी बदली करण्यात आली आहे. ग्रामीण आणि जिल्हास्तरीय प्रशासनाचा मोठा अनुभव असलेले अधिकारी म्हणून त्यांची ओळख आहे. तर छत्रपती संभाजीनगर ग्रामीण येथील अपर पोलीस अधीक्षक अन्नपूर्णा सिंग यांची नागपुरात उपायुक्तपदी नियुक्ती करण्यात आली आहे. कठोर प्रशासन आणि प्रभावी अंमलबजावणीसाठी त्या ओळखल्या जातात. नाशिक ग्रामीणचे अपर पोलीस अधीक्षक आदित्य मिरखेलकर यांचीदेखील नागपुरात उपायुक्तपदी बदली करण्यात आली आहे. काही दिवसांअगोदर निकेतन कदम यांची अमरावती पोलीस अधीक्षकपदी बदली झाली होती. याशिवाय नागपूर ग्रामीणमधील उमरेडच्या उपविभागीय पोलीस अधिकारी वृष्टी जैन यांची सोलापूर शहर पोलीस उपायुक्तपदी बदली करण्यात आली आहे.

Latest Marathi News

अजित पवार यांच्या मालमत्तेबाबत माहिती नाही..! ...

राज्यातील इतर बाजारात सोयाबीनची आवक किती झाली आणि त्याला सर्वसाधारण दर काय मिळाला ते वाचा सविस्तर (Soybean Bajar Bhav) ...

Navari Mile Hitlerla : 'नवरी मिळे हिटलरला' मालिकेत एजे आणि लीला मध्ये नातं फुलताना दिसत आहे. ...

एका जीप चालकाच्या शौर्याची सर्वत्र जोरदार चर्चा होत आहे. ...

Delicate Gold Kangan 10 Beautiful Designs : बांगड्या घालण्याऐवजी तुम्ही कड्यांची निवड करू शकता, हे कडे घातल्यानं हातांना सुंदर लूक येईल. ...

फुलंब्रीच्या शेतकऱ्याची यशस्वी कामगिरी त्यांची प्रेरणादायी यशकथा वाचा सविस्तर (Farmer Sucessful Story) ...