Latest Marathi News

तामिळनाडूच्या मुख्यमंत्रीपदाची शपथ घेताच जोसेफ विजय यांनी अनेक मोठ्या घोषणा केल्या. यात २०० युनिट मोफत वीज, महिला सुरक्षेसाठी टास्क फोर्स आदी घोषणांचा समावेश आहे. मात्र, याच वेळी त्यांनी राज्याच्या आर्थिक स्थितीवरही भाष्य केले. यावरून आता तमिळनाडूती राजकारण तापले आहे. विजय यांनी, राज्यावरील १० लाख कोटींच्या कर्जाचा मुद्दा उपस्थित केला. यावरून आता माजी मुख्यमंत्री आणि डीएमके प्रमुख एम. के. स्टालिन चांगलेच भडकले आहेत.एम के स्टॅलिन यांनी जोसेफ विजय यांना शुभेच्छा देतानाच जोरदार टीका केली. ते म्हणाले, "सरकारकडे पैसे नाहीत, असे लगेचच म्हणायला सुरुवात करू नका. पैसा आहे. मात्र, गरज आहे ती केवळ तो जनतेपर्यंत पोहोचवण्याच्या इच्छाशक्तीची आणि शासन करण्याची क्षमता दाखवण्याची". दरम्यान, आपण आपल्या कार्यकाळात कोविड आणि पुरासारख्या संकटांना तोंड देत, तसेच केंद्रातील भाजप सरकारच्या दुर्लक्षानंतरही अनेक कल्याणकारी योजना राबवल्याचा दावाही त्यांनी केला.मोफत वीज, महिला सुरक्षा... मुख्यमंत्री होताच थलापती विजय यांचा 'मास्टरस्ट्रोक', घेतले मोठे निर्णय"मुद्दा भरकटवू नका" -जोसेफ विजय यांच्यावर निशाणा साधताना एम के स्टॅलीन म्हणाले, गत सरकारने १० लाख कोटींचे कर्ज ठेवल्याचा आरोप करून मुद्दा भरकटवू नका. पुन्हा जनतेची फसवणूक करू नका. तामिळनाडूच्या कर्जाची पातळी ही विहित मर्यादेतच आहे. आम्ही फेब्रुवारीच्या अर्थसंकल्पातच राज्याची आर्थिक स्थिती संदर्भात माहिती दिली होती. तुम्हाला याची माहिती नव्हती का? आपण केवळ पोकळ आश्वासनेच दिलीत का? असा सवालही स्टॅलीन यांनी यावेळी केला.ज्या जनतेने आपल्याला मतदान केले, त्यांना पुन्हा फसवू नका -एवढेच नाही तर, ज्या जनतेने आपल्याला मतदान केले, त्यांना पुन्हा फसवू नका. "आपण पूर्ण करता येतील अशीच आश्वासने देऊ," असे म्हणत आपण सत्तेवर आला आहात. मला विश्वास आहे की, आपणही आमच्या प्रमाणेच जनतेला दिलेली आश्वासने कशा पद्धतीने पूर्ण करायची असतात, ते लवकरच शिकाल. आपल्या राजवटीतही तामिळनाडूचा विकासा सुरूच राहो यासाठी पुन्हा एकदा शुभेच्छा! असेही स्टॅली म्हणाले.

अभिनेत्रीने लग्नानंतर इस्लाम धर्म स्वीकारला. मिखाईल असं तिच्या लेकाचं नाव आहे. ...

राज्यसभेत चलनी नोटा सापडल्यामुळे मोठा गदारोळ सरू आहे. या प्रकरणी चौकशी सुरू आहे. ...

भारतातील नव्या तंत्रज्ञान कंपन्यांनी मोठ्या प्रमाणात रोजगार निर्मितीत क्रांतीकारक बदल घडवून आणलेत. ...

रस्त्याच्या बाजूला चारचाकी उभी करून ते सर्व चारचाकीतच झोपले. त्यावेळी तिथे तीन अनोळखी व्यक्ती आल्या. ...

Digital Arrest : मुंबई क्राइम ब्रँचचे अधिकारी असल्याचे सांगत दोघींना जाळ्यात ओढले. ...

स्टार्कचा भेदक मारा; भारताकडून नितीश रेड्डीनं केली उपयुक्त खेळी ...