शिरोली : शिरोली गावातील सर्व व्यावसायिकांनी आपली कोरोना (RTPCR) टेस्ट न घाबरता करून घ्यावी. निगेटिव्ह टेस्ट प्रमाणपत्र ग्रामपंचायत, तलाठी कार्यालय व शिरोली पोलीस ठाणे येथे दाखविल्याखेरीज आपला व्यवसाय सुरू करू नये, असे आवाहन सरपंच शशिकांत खवरे यांनी केले आहे.
प्रशासनाने सोमवारपासून लाॅकडाऊन शिथिल केले तर गावातील धान्य दुकानदार, किराणा दुकानदार, भाजीपाला विक्रेते, सायकल दुकानदार, गॅरेज मिस्त्री, दूध डेअरी संस्थांचे कामगार, सोसायटी कर्मचारी, पतसंस्था कामगार, बँक कर्मचारी, सर्व डाॅक्टर, कंपाउंडर, मेडिकल, सर्व क्षेत्रांतील बांधकाम कामगार, हायस्कूल, मराठी शाळा, इंग्लिश स्कूलचे शिक्षक, कर्मचारी, अंगणवाडी सेविका, मदतनीस, बाजार, सलून व्यावसायिक, घरपोच गॅस सेवा देणाऱ्या व्यक्ती, खासगी व्यवसाय करणाऱ्या नागरिकांनी व महिलांनी उद्या, सोमवारी शिरोली येथील प्राथमिक आरोग्य केंद्रात तपासणी करून घेणे बंधनकारक आहे; कारण लाॅकडाऊन उठल्यानंतर आपला व्यवसाय सुरू करण्यासाठी कोरोना निगेटिव्ह टेस्ट प्रमाण ग्रामपंचायत / तलाठी कार्यालय व शिरोली पोलीस ठाणे येथे दाखविल्याखेरीज आपण आपला व्यवसाय सुरू करू नये व विनाटेस्ट व्यवसाय सुरू केलेस दंड व फौजदारी गुन्हा दाखल करण्यात येईल.