Kolhapur Marathi News | कोल्हापूर मराठी बातम्या | Latest Kolhapur News in Marathi | कोल्हापूर ताज्या बातम्या | Kolhapur Crime Marathi News | कोल्हापूर ब्रेकिंग न्यूज़| Breaking & Live Kolhapur News | Today's Kolhapur News paper

कोल्हापूर : केंद्रीय लोकसेवा आयोगाच्या नागरी सेवा परीक्षेत कोल्हापूर जिल्ह्यातील सहा जणांनी घवघवीत यश मिळवले. आशिष पाटील, फरहान जमादार, वृषाली कांबळे, आदित्य बामणे, आदिती चौगुले, सुशीलकुमार शिंदे यांनी युपीएससी परीक्षेत कोल्हापूरचा लौकिक वाढवला.साळशी (ता. शाहूवाडी) येथील आशिष अशोक पाटील यांनी १४७ वी रँक प्राप्त केली. विशेष म्हणजे सलग तिसऱ्या वर्षी त्यांनी यशाला गवसणी घातली. कोल्हापुरातील कदमवाडी येथील फरहान जमादार याने १९१ रँक मिळवत यशाचा झेंडा रोवला. उत्तूर (ता.आजरा) येथील वृषाली संतराम कांबळे हिने ३१० वी रँक घेत या परीक्षेत यश मिळवले. जयसिंगपूर येथील आदिती संजय चौगुले हिने देशभरात ४३३ वी रँक मिळवली. पहिल्याच प्रयत्नात वयाच्या २६ व्या वर्षी तिने हे यश संपादन केले.केंद्रीय लोकसेवा आयोगाने २०२३ मध्ये घेतलेल्या नागरी मुख्य परीक्षेचा निकाल मंगळवारी जाहीर झाला. यात साळशी येथील आशिष अशोक पाटील यांनी यशाला गवसणी घातली. आशिष पाटील सध्या दिल्ली ,दीव- दमण या केंद्रशासित प्रदेशात उपजिल्हाधिकारी म्हणून काम पाहत आहेत. यापूर्वी त्यांनी २०२२ मध्ये ४६३ तर २०२१ मध्ये ५६३ वी रँक मिळवली होती. आता देशात त्यांनी १४७ वी रँक मिळवली. कोल्हापुरातील कदमवाडीच्या कारंडे मळा येथे राहणाऱ्या फरहान इरफान जमादार याने दुसऱ्या प्रयत्नात यशाची कमान सर केली. कॉम्प्युटर अभियंता असलेल्या फरहान याने २०२१ पासून स्पर्धा परीक्षेची तयारी सुरु केली. पहिल्या प्रयत्नात अपयश आले. मात्र, त्यात खचून न जाता दुसऱ्यावेळी यश खेचून आणले. त्याच्या वडिलांचा प्रिंटिंगचा व्यवसाय असून आई गृहिणी आहे.उत्तूर येथील मूळ रहिवासी असलेली पण सध्या मुंबईत वास्तव्यास असणाऱ्या वृषाली कांबळे हिनेही या परीक्षेत ३१० वी रँक मिळवली. पॉलिटिकल सायन्सची पदवीधर असलेल्या वृषाली हिने तिसऱ्या प्रयत्नात यशाचा झेंडा रोवला आहे. उत्तूर येथील आदित्य अनिल बामणे यांनी या परीक्षेत १०१५ वी रँक मिळवली. आदित्य हे पहिल्याच प्रयत्नात यूपीएससी उत्तीर्ण झाले.कोल्हापुरात अभ्यास करुन यशाचा डंकाबाहेरील जिल्ह्यातील अनेक विद्यार्थी कोल्हापुरात स्पर्धा परीक्षेचा अभ्यास करतात. येथील विद्या प्रबोधिनी स्पर्धा परीक्षा मार्गदर्शन केंद्रात अभ्यास करणाऱ्या यशवंत मंगेश खिलारी ४१४, सागर भामरे ५२३ आणि सिद्धार्थ तगड ८०९ या विद्यार्थ्यांनीही या परीक्षेत यश मिळवले. जयसिंगपूर येथील वीराचार्य बाबासाहेब कुचनुरे स्पर्धा परीक्षा मार्गदर्शन व निवासी केंद्रातील विद्यार्थिनी प्रांजली प्रमोद नवले हिने ८१५ वी रँक मिळवली. ती मूळची वाळवा तालुक्यातील आहे. कोल्हापुरातील प्री आयएएस ट्रेनिंग सेंटरमध्ये अभ्यास करणाऱ्या इंदापूरच्या शामल भगत या विद्यार्थिनीनेही यश मिळवले.

Kolhapur (Marathi News)

‘कोल्हापूरचे व्हिजन घेऊन काम करणार ...

पट्टणकोडोली येथील महिलेसह तिघांना अटक, पाच जणांवर गुन्हा दाखल ...

कसलेही कर्ज नाही, मात्र एक गुन्हा अलीकडेच दाखल ...

अर्ज सबमिट न झाल्याच्या नैराश्यातून आत्महत्या केल्याचा नातेवाईकांचा आरोप ...

भाविकांची गर्दी : देवीच्या मुळ मुर्तीचे दर्शन सुरु. ...

राम मगदूम गडहिंग्लज (जि. कोल्हापूर ) : घटप्रभा (ता.गोकाक, जि. बेळगाव ) येथील कर्नाटक आरोग्य धामचे ( कर्नाटक हेल्थ ... ...

मुलीची आई घरामागे भांडी घासत असताना त्याने स्वयंपाक घरात मुलीचा विनयभंग केला ...

आशिष पाटील, फरहान जमादार, वृषाली कांबळे, आदित्य बामणे, आदिती चौगुले, सुशीलकुमार शिंदे यांचे यश ...