राजमाता जिजाऊंना अभिवादन

शहरात प्रतिमापूजन : विविध उपक्रमांचे आयोजन

कोल्हापूर : राजमाता जिजाऊ यांच्या ४१७ व्या जयंतीनिमित्त शहरातील विविध संघटना, संस्थांच्यावतीने जिजाऊ यांच्या पुतळ्यास पुष्पहार अर्पण करून अभिवादन करण्यात आले.
मनपाच्यावतीने के.एम.सी. कॉलेजच्या प्रांगणातील राजमाता जिजाऊ यांच्या पुतळ्यास महापौर तृप्ती माळवी यांच्या हस्ते अभिषेक घालून पुष्पहार अर्पण करण्यात आला. याप्रसंगी उपमहापौर मोहन गोंजारे, नगरसेवक रविकिरण इंगवले, इंद्रजित बोंद्रे, नगरसेविका प्रभाताई टिपुगडे, मीना सूर्यवंशी, आदी उपस्थित होते.
गुरुवार पेठ येथील राजमाता तरुण मंडळाच्यावतीने मंडळाचे अध्यक्ष संदीप कसबेकर यांच्या हस्ते राजमाता जिजाऊ यांच्या पुतळ्यास पुष्पहार अर्पण करण्यात आला. याप्रसंगी मराठा महासंघाचे अध्यक्ष वसंतराव मुळीक, बजरंग दलाचे संभाजी साळोखे, ऋतुराज क्षीरसागर, किरण शिराळे, वीरेंद्र मंडलिक, हर्षल सुर्वे, हेमंत कांदेकर, दीपक काटकर, संदीप देसाई, आदी उपस्थित होते.
शुक्रवार पेठ येथील शिवशक्ती प्रतिष्ठानतर्फे के.एम.सी. कॉलेजच्या प्रांगणातील राजमाता जिजाऊ यांच्या पुतळ्याच्या परिसरात स्वच्छता करून रांगोळी काढून फुलांची सजावट करण्यात आली. त्यानंतर प्रतिष्ठानचे सदस्य कुणाल बोडके व संभाजी पाटील यांच्या हस्ते पुतळ्यास पुष्पहार अर्पण करून अभिवादन करण्यात आले. यावेळी प्रतिष्ठानचे अध्यक्ष साताप्पा कडव, उपाध्यक्ष स्वप्निल पाटील, सचिव विकास भोसले, प्रशांत जाधव, प्रवीण कांबळे, संकेत भोसले, अबिद गडकरी, प्रफुल्ल भालेकर, अमोल पोवार, राहुल सूर्यवंशी, बंडू माळी, सागर सावंत, शेखर महाडिक, राकेश माताडे, आदी उपस्थित होते.


सीपीआरमध्ये बालसंगोपन साहित्य वाटप
राष्ट्रमाता जिजाऊंच्या जयंतीनिमित्त आज, सोमवारी येथील छत्रपती प्रमिलाराजे रुग्णालयातील (सीपीआर) प्रसूती विभागात मराठा सेवा संघ, संभाजी ब्रिगेड, जिजाऊ ब्रिगेड व छत्रपती शिवाजी मुस्लिम ब्रिगेड यांच्या कार्यकर्त्यांनी नवजात बालकांना बालसंगोपनविषयक साहित्याचे वाटप केले. रविवारी (दि. १२) मध्यरात्रीपासून जन्माला येणाऱ्या प्रत्येक मुला-मुलींना साबण, तेल, पावडर असे सुमारे ५० जणांना बालसंगोपनविषयक साहित्य देण्यात आले. राजर्षी छत्रपती शाहू महाराज शासकीय वैद्यकीय महाविद्यालयाचे प्रभारी अधिष्ठाता डॉ. रघुजी थोरात, विभागप्रमुख डॉ. शिरीष शानभाग व परिचारिका यांच्या उपस्थितीत हा कार्यक्रम झाला. यावेळी चंद्रकांत पाटील, चारुशीला पाटील, बाळासाो पाटील, फिरोजखान उस्ताद, विकास जाधव, आदी उपस्थित होते.

कोल्हापुरात सीपीआर रुग्णालयातील बाळंतीण महिलांना मराठा सेवा संघ, संभाजी ब्रिगेड व जिजाऊ ब्रिगेडच्यावतीने बालसंगोपनविषयक साहित्याचे वाटप केले.

विद्यापीठात अभिवादन
राजमाता जिजाऊ यांच्या जयंतीनिमित्त आज, सोमवारी शिवाजी विद्यापीठात त्यांच्या प्रतिमेस पुष्प वाहून अभिवादन करण्यात आले. विद्यापीठाच्या प्रवेशद्वारातील पोर्चमध्ये प्रतिमा पूजन झाले. प्र-कुलगुरू डॉ. अशोक भोईटे यांच्या हस्ते राजमाता जिजाऊ यांच्या प्रतिमेस पुष्पहार अर्पण करण्यात कुलसचिव डॉ. डी. व्ही. मुळे यांच्यासह विद्यार्थी कल्याण संचालक डॉ. डी. के. गायकवाड, डॉ. मेधा नानिवडेकर, डॉ. गिरीश कुलकर्णी, डॉ. व्ही. एन. शिंदे, बाळासाहेब पाटील, आदी उपस्थित होते.