Latest International News | International Marathi News | Latest International News in Marathi | आंतरराष्ट्रीय: ताज्या मराठी बातम्या

आशिया खंडातील अनेक देश सध्या एका भीषण नैसर्गिक आपत्तीचा सामना करत आहेत. शक्तिशाली 'सेन्यार' चक्रीवादळामुळे आलेल्या महापुराने इंडोनेशिया , श्रीलंका, थायलंड आणि मलेशिया या चार देशांमध्ये हाहाकार माजवला आहे. या वादळानंतर आलेल्या जलप्रलयामध्ये आतापर्यंत १,४०० हून अधिक लोकांचा बळी गेल्याची माहिती समोर आली आहे. या आपत्तीमुळे या देशांची आर्थिक घडीही विस्कळीत झाली आहे. इंडोनेशियामध्ये सर्वाधिक ७५३ मृत्यू झाले आहेत, तर श्रीलंकेमध्ये ही संख्या ४६५ पर्यंत पोहोचली आहे.हजारो लोक बेपत्ता; बचावकार्य वेगातबुधवारी बचाव पथके पूरग्रस्त भागांमध्ये पोहोचण्यासाठी वेगाने काम करत होती, कारण अजूनही १,००० हून अधिक लोक बेपत्ता आहेत. अनेक गावे चिखल आणि ढिगाऱ्यांमध्ये गाडली गेली आहेत. अनेक ठिकाणी वीज आणि नेटवर्कमध्ये अडथळा आल्यामुळे बचाव कार्यात अडचणी येत आहेत.इंडोनेशियात सर्वाधिक नुकसानपूरामुळे इंडोनेशियामध्ये सर्वाधिक ७५३ मृत्यू झाले आहेत. राष्ट्रपती प्रबोवो सुबियांटो यांनी पूरग्रस्त भागांना भेट देऊन पुनर्बांधणीचे आश्वासन दिले आहे. सलग अनेक दिवस पाऊस आणि उष्णकटिबंधीय वादळामुळे आलेली ही आपत्ती २०१८ च्या त्सुनामीनंतरची सर्वात विनाशकारी असल्याचं इंडोनेशियातील अधिकाऱ्यांनी म्हटलं आहे.श्रीलंकेची स्थिती नाजूक श्रीलंकेमध्ये ४६५ लोकांच्या मृत्यूची पुष्टी झाली आहे, पण ही संख्या वाढण्याची शक्यता आहे. पंतप्रधान हरिनी अमरसूर्या यांनी आंतरराष्ट्रीय समुदायाला मदतीचे आवाहन केले आहे. सध्या आर्थिक संकटातून सावरणाऱ्या श्रीलंकेसाठी ही आपत्ती दुहेरी झटका आहे, ज्यामुळे ते बाह्य मदतीवर जास्त अवलंबून आहेत.दुसरीकडे, थायलंडमध्ये १८५ तर मलेशियामध्ये तीन लोकांच्या मृत्यूची पुष्टी झाली आहे. या देशांनाही वादळाचा जोरदार तडाखा बसला आहे.रस्ते तुटले, पूल कोसळले; बचाव पथकांसमोर आव्हानया वादळामुळे रस्ते तुटले आहेत आणि पूल कोसळले आहेत, ज्यामुळे बचाव दलाला अनेक भागांमध्ये पोहोचणे कठीण झाले आहे. राष्ट्रीय आपत्ती व्यवस्थापन एजन्सीनुसार, उद्ध्वस्त झालेल्या नॉर्थ सुमात्रा, वेस्ट सुमात्रा आणि आचे प्रांतांमध्ये सुमारे ६५० लोक अजूनही बेपत्ता आहेत.या आपत्तीमुळे १.५ दशलक्षाहून अधिक लोक बेघर झाले आहेत आणि हजारो घरांचे तसेच सार्वजनिक सुविधांचे नुकसान झाले आहे. रुग्णालये भरल्यामुळे, सरकारने तातडीने बाधित राज्यांमध्ये तीन हॉस्पिटल जहाजे तैनात केली आहेत.भारतासह अनेक देशांचा मदतीचा हातया संकटाच्या काळात भारताने पुढाकार घेतला असून, पाकिस्तान आणि संयुक्त अरब अमीरात सारख्या देशांनीही तातडीने मदत कार्य सुरू केले आहे. श्रीलंकेच्या पंतप्रधानांना भेटलेल्या अन्य विदेशी राजनैतिक अधिकाऱ्यांनीही मदत करण्याचे आश्वासन दिले आहे.थायलंडमध्ये परिस्थिती सुधारत असून, सरकारचे प्रवक्ते राचदा धनदिरेक यांनी सांगितले की, बचाव कार्ये चांगली सुरू आहेत आणि जवळपास सर्व बाधित क्षेत्रांमध्ये पाणी आणि वीज पूर्ववत करण्यात आली आहे.

International (Marathi News)

India-Russia : पीएम मोदी आणि पुतिन भेटीत संरक्षण, व्यापार, ऊर्जा, शिक्षण आणि तंत्रज्ञान क्षेत्रांमध्ये चर्चा होईल. ...

Putin India Visit: पुतिन यांच्या भारत दौऱ्यापूर्वी भारतीय वंशाचे रशियन आमदार अभय कुमार सिंह चर्चेत आले आहेत. ...

थायलंडला फिरायला गेलेल्या दोन उद्योजक मित्रांचा हॉटेलच्या स्विमिंग पूलमध्ये बुडून दुर्दैवी मृत्यू झाला आहे. ...