महादेव बेटिंग अ‍ॅप प्रकरणातील मुख्य आरोपी दुबईतून बेपत्ता, भारताच्या प्रत्यार्पणाच्या आशेला धक्का

महादेव बेटिंग अ‍ॅप घोटाळ्यातील मुख्य आरोपी रवी उप्पल, त्याला डिसेंबर २०२३ मध्ये दुबईमध्ये अटक करण्यात आली होती, तो आता बेपत्ता झाला आहे. प्रत्यार्पणाच्या कारवाईपर्यंत त्याची सुटका करण्यात आली.

मागील दोन वर्षापूर्वी महादेव ऑनलाइन बेटिंग घोटाळा समोर आला. या प्रकरणी डिसेंबर २०२३ मध्ये घोटाळ्यातील मुख्य आरोपींपैकी एक असलेल्या रवी उप्पलला दुबईमध्ये अटक करण्यात आली. इंटरपोलने जारी केलेल्या रेड कॉर्नर नोटीसच्या आधारे त्याला भारतात प्रत्यार्पण करण्यात येणार होती, पण प्रत्यार्पण प्रक्रिया प्रलंबित राहिली आणि ४५ दिवसांनंतर रवी याची सुटका करण्यात आली.

यूएईने प्रत्यार्पणासाठी मागितलेली कागदपत्रे वेळेवर प्रदान करण्यात आली नाहीत. ईडीने सर्व आवश्यक कागदपत्रे वेळेवर सादर केली. रवी उप्पल त्याच्या सुटकेनंतरही बारकाईने देखरेखीखाली होता. आता दुबईतून तो बेपत्ता झाल्याची माहिती समोर आली आहे.

पत्नीने दिला जुळ्यां मुलांना जन्म, पती म्हणाला, ही माझी मुलंच नाहीत, जोरदार राडा, अखेरीस समोर आलं वेगळंच सत्य

युएईकडे कोणतीही माहिती नाही

भारतीय अधिकाऱ्यांना किंवा युएईला त्याच्याबद्दल कोणतीही माहिती नसल्याचे वृत्त आहे. तो बेपत्ता झाला आहे आणि त्याचे प्रत्यार्पण रोखण्यात आले आहे. 'उप्पल युएई सोडून अज्ञात ठिकाणी गेला आहे. रवी उप्पलचा सहकारी सौरभ चंद्राकर अजूनही दुबई अधिकाऱ्यांच्या ताब्यात आहे.

रवी उप्पलकडे दक्षिण प्रशांत महासागरातील एका बेट राष्ट्र असलेल्या वानुआटुचा पासपोर्ट आहे. हा तोच देश आहे ज्याचा पासपोर्ट ललित मोदींकडे देखील होता. नंतर वानुआटुने ललित मोदीचा पासपोर्ट रद्द केला आणि म्हटले की प्रत्यार्पण टाळणे हे त्या देशात नागरिकत्व मिळविण्याचे वैध कारण नाही.

ऑस्ट्रेलियापासून अंदाजे २००० किमी अंतरावर असलेल्या पोर्ट विला ही वानुआतूची राजधानी आहे. रवी उप्पल आणि सौरभ चंद्राकर, त्यांच्याकडे वानुआतूचे नागरिकत्व देखील आहे, त्यांनी त्यांचे गुन्हेगारी नेटवर्क वाढवण्याच्या उद्देशाने बेटांवर मालमत्ता खरेदी केल्या. २०१८ मध्ये स्थापन झालेले महादेव अॅप दररोज २०० कोटी रुपयांचा नफा कमवत असल्याचा आरोप आहे.