शॉपिंग सेंटरमध्ये मृत्यूचं तांडव! इराणमध्ये भीषण अग्निकांड, ८ जणांनी गमावला जीव; मृतांचा आकडा वाढण्याची भीती

ही आग मंगळवारी तेहरान प्रांतातील अंदीशेह शहरातील अर्घावन शॉपिंग सेंटरमध्ये लागली. आगीचे नेमके कारण अद्याप स्पष्ट झालेले नाही. इराणच्या सरकारी दूरचित्रवाहिनीने (आयआरआयबी) सांगितले की, या घटनेचा तपास सुरू आहे.

तेहरान : इराणची राजधानी तेहरानजवळील एका शॉपिंग सेंटरमध्ये लागलेल्या भीषण आगीत आठ जणांचा मृत्यू झाला असून सुमारे ४० जण जखमी झाले आहेत, अशी माहिती आपत्कालीन सेवा विभागाने बुधवारी दिली.

ही आग मंगळवारी तेहरान प्रांतातील अंदीशेह शहरातील अर्घावन शॉपिंग सेंटरमध्ये लागली. आगीचे नेमके कारण अद्याप स्पष्ट झालेले नाही. इराणच्या सरकारी दूरचित्रवाहिनीने (आयआरआयबी) सांगितले की, या घटनेचा तपास सुरू आहे.

अमेरिकेबरोबर युद्धविराम सुरू असतानाची घटना

दूरचित्रवाहिनीवरील दृश्यांमध्ये अग्निशमन दलाचे जवान बहुमजली इमारतीतील आगीवर नियंत्रण मिळवताना दिसत होते.

इमारतीतून मोठ्या प्रमाणात काळ्या धुराचे लोट येताना दिसत होते. दरम्यान, ही आग अमेरिकेसोबत सुरू असलेल्या संघर्षाशी संबंधित असल्याचे कोणतेही संकेत मिळालेले नाहीत. दोन्ही देशांत ३ आठवड्यांपासून युद्धविराम लागू आहे.